ترکیہ کے اخبارات سے جھلکیاں

روزنامہ سٹار :"ایردوان:  پی کے کے ۔ وائے پی جی  کو بات چیت کے فریق کے طور پر قبول نہیں کیا جا سکتا"

صدر ایردوان نے متحدہ عرب امارات کے صدر شیخ النہیان سے ٹیلی فون پر بات چیت کی۔ ایردوان نے کہا کہ ترکیہ اس بات کو قبول نہیں کر سکتا کہ شام میں سرگرم PKK/YPG دہشت گرد تنظیم کو خطے میں کردوں کی نمائندہ اور بات چیت کرنے والے کے طور پر دیکھا جائے اور داعش کو خطے میں افراتفری کا فائدہ اٹھانے سے روکا جائے اور اسرائیل کو نقصان پہنچے۔ انہوں نے کہا کہ شام میں موجودہ صورتحال کا فائدہ اٹھاتے ہوئے اسے روکنا چاہیے۔

روزنامہ ینی شفق: "ترک توانائی  وفد صورتحال کا تعین کرنے کے لیے دمشق میں"

ترکیہ نے  شام کے توانائی کے بنیادی ڈھانچے کو دوبارہ فعال کرنے اور روڈ میپ بنانے کے لیے کیے جانے والے کام کا تعین کرنے کے لیے ایک وفد دمشق بھیجا  ہے۔

روزنامہ وطن :"شرناک  میں  ، یومیہ پیٹرول کی پیداوار 70 ہزار بیرل  سے بڑھ  گئی ہے"

توانائی اور قدرتی وسائل کے وزیر الپ ارسلان بائراکتار  نے  کہا ہے کہ "شرناک خاص طور پر توانائی اور تیل کے شعبے میں   ہمارا  اہم صوبہ بن گیا ہے ۔  اب ، یہاں ہماری پیداوار 70 ہزار بیرل سے تجاوز کر چکی ہے۔"

روزنامہ صباح:"ٹوگ  20 مہینوں میں 72 فیصد  مقامی شرح  سے پار کر گئی ہے"

وزارت صنعت  و ٹیکنالوجی کی طرف سے شائع کردہ  مقامی پیداوار کے  اعداد و شمار کے مطابق، مقامی کار  ٹوگ مارکیٹ میں اپنے آغاز کے 20 ویں مہینے میں 72.18 فیصد  کی  شرح تک پہنچ چکی ہے۔

روزنامہ حریت": حُر کش  کی پہلی پرواز "

ترک فضائیہ کی پائلٹوں کی تربیت کی ضروریات کو پورا کرنے اور دفاعی صنعت کی صلاحیتوں کو فروغ دینے کے لیے توساش کی طرف سے تیار کردہ حُر کش   نے پہلی پرواز سر انجام دی ہے۔ اس نے 20 منٹ کی پرواز کے دوران 6,500 فٹ کی بلندی  پر140 ناٹس کی رفتار  سے سفر کیا ہے۔