پاپائے روم کی جکارتہ کی مسجد کے پیش امام سے ملاقات

 کیتھولک مسیحیوں کے روحانی پیشوا اور ویٹیکن کے صدر  پاپا فرانسس اور جنوب مشرقی ایشیا کی سب سے بڑی مسجد کے پیش امام نصر الدین عمر نے تشدد ار ماحولیاتی تحفظ کے موضوع پر مشترکہ اپیل کی ہے۔

پاپائے روم نے جنوب مشرقی ایشیائی ممالک کے دوروں کے سلسلے میں  انڈونیشیا کے دارالحکومت جکارتہ  میں ملاقاتیں کی ہیں۔

 جکارتہ میں واقع استقلال جامع مسجد کی زیارت کے دوران پاپائے روم نے مسلم،بدھ مت، کنفیوچ ازم ،ہندو مت،کیتھولیک اور پروٹیسنٹ برادریوں کے نمائندوں سے ملاقاتیں کیں۔

 اس دوران پاپائے روم اور نصر الدین عمر  نے  استقلال مسجد میں منعقدہ ایک تقریب کے دوران تعلقات کو فروغ دینے کےلیے استقلال معاہدے پر دستخط کیے ۔

اس معاہدے میں تشدد کو مذہب سے منسلک کرنے کے بجائے منافرت کو ختم کرنے اور انسانی وقار کے تحفظ کی ضرورت پر زور دیا گیا ہے۔

 اس کے علاوہ ،عالمی ماحولیاتی بحران میں کمی لانے  اور قدرتی وسائل کے تحفظ کے لیے اہم فیصلے لینا بھی اس معاہدے  میں شامل ہیں۔