توریستلار نأچه آی اوُزالدان کاپادوکیادا تور رزرو ادیأر

یونسکو تاراپیندان دۆنیأنینگ مدنیت میراثی ساناویندا گؤرکِزیلیأن کاپادوکیا توریستلارینگ اینگ کؤپ حالایان یرلریندن بیری.

عاجاییپ اؤیلری، طبیغاتی، آشچیلیغی، یرآستی شهرلری و تاریحی یرلری بیلن تانالیان کاپادوکیادا بالن بیلن اوچماق دا سیاحاتچیلارینگ اینگ کؤپ ایسله یأن زاتلاریندان بیری.

2025-نجی ییلینگ باشلاماغیندان نأچه آی اوُزال کاپادوکیا گلمه ک ایسله یأن توریستلار رزرواسیون ایشینی آلیپ باریار.

کاپادوکیا ایلایتا دا ژاپن دان گلن سیاحاتچیلارینگ حالایان یری.

ژاپن بیلن تۆرکیأنینگ دیپلماتیک آراقاتناشیغی نینگ 100-نجی ییلیندا ژاپن دان ایستامبولا اوچیان اوچار سانییوُقارلادیلار.

شیله لیک بیلن ایستامبول دا قوُنان توریستلار دۆرلی تورلار بیلن کاپادوکیانی گؤرۆپ بیلر.

تأزه لیکده گۆن اوُرتا آمریکا یورتلاریندان دا رزرواسیون ادن توریستلارینگ سانی اؤرأن یوُقارلادی.

اؤتن ییل اؤنگدن رزوراسیون تأزه ییلا 2 آی قالاندا 40 گؤتریمه یتیپدی، شو ییل بو موقدار 50 گؤتریمه یتدی.

اؤتن ییل کاپادوکیانی 4 میلیون 826 مۆنگ 662 یرلی و داشاری یورتلی توریست گلیپ گؤرۆپدی.

شو ییلینگ 10 آیلیق دؤورۆنده بوُلسا 3 میلوین 846 مۆنگ 703 توریست کاپادوکیا گلدی.