آیت الله خامنه ای: ایران ینگ میللتی نینگ دوشمانی فلسطین و لبنان ینگ میللتی نینگ دوشمانیدیر

ایران ینگ دینی یوُلباشچیسی آیت الله علی خامنه ای ایسرائیلا اینگ ینگیل جزانی برندیکلرینی و گره ک بوُلان واغتیندا بو یوردی ینه اوروپ بیلجکدیکلرینی آیتدی.

ایران ینگ یوُقاری یوُلباشچیسی اوزاق ییللاردان سوُنگرا ینه بیر گِزه ک تهران دا جومغا نامازینی قیلدیردی.

اسلام دۆنیأسینی جِبیسلیک و بیرلیگه چاغیران آیت الله خامنه ای "ایران اسلام جمهوریتی نینگ دوشمانی، فلسطینلیلرینگ ده دوشمانیدیر، مصرینگ دا دوشمانیدیر، لبنان و سوریه و یمن ینگ ده دوشمانیدیر. دوشمان بیردیر. یۆزلری اۆیتگه شیک اِمما دوشمان شوُل بیر دوشماندیر. بو دوشمان اۆستۆنلیک قازانان واغتی باشغا اۆلکه لره ده هۆجۆم قورار" دیدی.

علی خامنه ای آغدارلیشیق گۆیچلری نینگ (سپاه ینگ) ایسرائیلا قوران هۆجۆمی نینگ "صهیونیست رژیمه ادیلن اینگ ینگیل هۆجۆم بوُلاندیغینی" نیغتادی و شیله دوُوام اتدی: "گره ک بوُلسا ینه ایسرائیل-ی اوراریس. اسلام جمهوریتی الیندن گلیأن وظیپه سینی اینگ توتان یرلی یاغدایدا یرینه یتیرجکدیر. بیز هوُولیقماریس".