"آلمانیا ساواشا طایار دأل"

آلمانیادا گچیریلن بارلاغا گؤرأ آلمانیانینگ قشونی بوُلوپ بیلجک ساواشا طایار گؤرۆنمه‌یأر.

کیل آدینداقی بۆتین دۆنیأ ایقدیصادیه‌ت انستیتوسی "اوروپا و آلمانیانینگ روسیا قارشی یوواش یاراغلانماغی" آدلی بارلاغی طایارلادی.

بو بارلاغا گؤرأ آلمانیانینگ قشونی بوُلوپ بیلجک بیر ساواشا اوزاق ییللاردان سوُنگرا طایار یاغدایا گلیپ بیلر.

بارلاغدا آلمانیانینگ روسیانینگ تهدیدینه قارشی اؤرأن یوواش یاراغلانیاندیغی بیلدیریلدی و آلمانیا بیلن روسیانینگ قشون گۆیجۆنینگ آراسی نینگ آچیلماغا دوُوام ادیأندیگی نیغتالدی.

کیل انستیتوسی آلمانیانینگ 2004-نجی ییلداقی ساواش اوچاری مۆمکینچیلیکلرینه 15 ییلدا یتیپ بیلجکدیگینی و ساواش تانکی مۆمکینچیلیکلرینه 40 ییلدا و 2004-دأکی توُپ مۆمکینچیلیکلرینه 100 ییلدا یتیپ بیلجکدیگینی حابار بردی.

آلمانیا 2004-نجی ییلدا 423 ساواش اوچارینا ایه دی. بو سان 2021-نجی ییلدا 226 اوچار سانینا یتدی.

شو واغتقی سیپاریشلارا گؤرأ آلمانیا 2038-نجی ییلدا 2004-نجی ییلداقی ساواش اوچاری سانینا یتیپ بیلر.

روسیانینگ 6 آی‌دا آلمانیانینگ بۆتین ساواش اوُق-دأری و مهماتینی اؤندۆریپ بیلجکدیگی حابار بریلدی.