Çaý Eksportundan 19,8 Million Dollarlyk Girdeji Gazanyldy

10 aýda çaý eksportundan 19,8 million dollarlyk girdeji gazanyldy.

Gündogar Gara deňiz eksportçylar bileleşiginiň Dolanşyk geňeşiniň başlygynyň orunbasary we Çaý pudagy komitetiniň başlygy Şaban Turgut, Türkiýeden ýanwar-oktýabr aýlaryny öz içine alýan döwürde 118 ýurda we awtonom sebite çaý eksport edilendigini aýtdy.

Turgut, ady agzalýan döwürde 4 müň 9 tonna çaý eksport edilip 19 million 811 müň 467 dollarlyk girdeji gazanylandygyny belledi.

Çaý eksportunda 6 million 572 müň 863 dollar bilen Belgiýa birinji, 3 million 165 müň 784 dollar bilen Britaniýa ikinji, 1 million 516 müň 850 dollar bilen DKTR hem üçünji orny eýeledi.