Saud Arabystanynyň Milli Güni Aşgabatda Bellenilip Geçildi

Çärä Türkmenistanyň Nebit we tebigy gaz ministri Batyr Amangeldiýew gatnaşdy.

Saud Arabystany Patyşalygynyň 94 ýyllygyna bagyşlanyp Aşgabatda banket berildi. Bankede Türkmenistanyň Nebit we tebigy gaz ministri Batyr Amangeldiýew bilen bilelikde diplomatik wekilhanalaryň ýolbaşçylary we halkara guramalarynyň wekilleri gatnaşdylar.

Saud Arabystanynyň Aşgabatdaky İlçisi Saed Bin Osman çärede sözlän sözünde Türkmenistanyň garaşsyzlygyny ykrar eden ilkinji ýurtlardan biri bolup durýandyklaryny bean edip, özara gatnaşyklaryň gelejeginiň uludygyny nygtady.

Saud Arabystanynyň Türkmenistandaky İlçisi Saed Bin Osman: “Saud Arabystanynyň we Türkmenistanyň milli baýramçylyklarynyň şol bir hepdede bellenilip geçilmegi iki ýurduň arasyndaky dostlugy hem-de doganlygy alamatlandyrýar. Türk-Saud dostlugy ykdysadyýetde, senagatda, medeniýetde tas ähli ugurlarda hasam öser” diýdi.

Türkmenistanyň Prezidenti Serdar Berdimuhamedow hem Saud Arabystany Şalugyna ugradan gutlag ýüzlenmesinde Saud Arabystanynyň iki mukaddes metjidiň hyzmatkäridigini beýan edip, iki dost ýurduň arasyndaky doganlyk gatnaşyklarynyň durnukly ösýändigini nygtady.