Türkiyäniň Milli Goranmak ministri Gazagystana gitdi

Türkiyäniň Milli Goranmak ministrliginden berilen beýanatda, ministr Ýaşar Güleriň "Türkiye-Azerbaýjan-Gruziýa üçtaraplaýyn Goranmak ministrleriniň" maslahatyndan soň resmi sapar bilen Gazagystana gidendigi we Astana barandygy habar berildi. 

Ýaşar Güleriň howa menzilinde Gazagystanyň Goranmak ministri Ruslan Jaksilikow tarapyndan garşylanandygy bellenen beýanatda, Ýaşar Gülere Gazagystan saparyna ministriň orunbasary Bilal Durdalynyň ýoldaşlyk edýändigi mälim edildi.