گینهده فوتبال اویونو اثناسیندا ازدحام
بیر ایستادیومدا فوتبال اویونو اثناسیندا چیخان ایزدیحامدا، ایلک تعیین ائتمه‌لره گؤره ۱۰ آدام حیاتینی ایتیردی
2216008
گینهده بیر ایستادیومدا فوتبال اویونو اثناسیندا چیخان ایزدیحامدا، ایلک تعیین ائتمه‌لره گؤره ۱۰ آدام حیاتینی ایتیردی.
یئرلی مطبوعاتداکی خبرلره گؤره، ان‌زرکوره شهرینده تشکیل ائدیله‌ن ژنرال مامادی دوومبوویا فوتبال تورنمنتینده، ان‌زرکوره و لابه تیملرینین قارشیلاشدیغی اویوندا، داورین ائو صاحبی تیمه پنالتی وئرمه‌سی اوزرینه، حادثه‌لر چیخدی.
داوره هوجوم ائد‌ن لابه طرفدارلارینی دایاندیرماق اوچون پلیس گؤز یاشاردیجی گازدان ایستیفاده ائتدی، طرفدارلار دا پلیسه داشلارلا جاواب وئردی.
یاشانان ایزدیحامدا آرالاریندا اوشاقلارین دا اولدوغو ۱۰ آدام حیاتینی ایتیردی، یوزلرله آدام یارالاندی.
گینه باش ناظیری باه اوری ده یاییملادیغی مئساژدا حادثه‌دن دویدوغو کدری پایلاشاراق، سایی وئرمه‌دن ایزدیحامدا حیاتینی ایتیره‌نلر اولدوغونو تصدیقله‌دی.
