پنجه- قاپلان عملیاتی بؤلگه‌سین‌ده بیر عسگر شهید اولوب

عراقین شیمالین‌دا تئررور تشکیلاتی پ.ک.ک عضولرینین آچدیغی تجاووز آتشی نتیجه‌سین‌ده بیر عسگر شهید اولوب.

میللی ساوونما ناظیرلیگین‌دن وئریلن آچیقلامادا، "پنجه- قاپلان" عملیاتی بؤلگه‌سین‌ده بؤلوچو تئررور تشکیلاتی عضولری طرفین‌دن آچیلان تجاووز آتشی نتیجه‌سین‌ده باش روتبه‌لی افسر اوفوک آکینجینین یارالاندیغی بیلدیریلیب.

آغیر خسارتلرله خسته خانایا چات‌دیریلان اوفوک آکینجینی بوتون موداخیله‌لره باخمایاراق خلاص ائتمک مومکون اولماییب و شهید اولوب.

ایله‌تیشیم  باشقانی فخرالدین آلتون پنجه- قاپلان عملیاتی بؤلگه‌سین‌ده شهید اولان اوفوک آکینجی اوچون باشساغ‌لیغی مئساژی یاییملاییب.

آلتون پایلاشیمین‌دا تئررور تشکیلاتلارینا قارشی موباریزه‌ده قطعیت مئساژی وئریب.