اردوغان، وون در لاین ایله تلفون دانیشیغی آپاریب
اردوغان ایتالیانین باش ناظیری جورجیا مئلونی و آوروپا کومیسیونونون صدری فون در لاین ایله تلفون دانیشیغی آپاریب.
پرئزیدئنت رجب طیب اردوغان ایتالیانین باش ناظیری جورجیا مئلونی و آوروپا کومیسیونونون صدری فون در لاین ایله تلفون دانیشیغی آپاریب.
جمهور باشقانلیغی‌نین ایله‌تیشیم باشقانلیغیندان وئریلن آچیقلامایا گؤره، گؤروشمه‌لرده سوریه‌دکی سون حادثه‌لر، بؤلگه‌سل و گلوبال مسئله‌لر موذاکیره ائدیلیب.
پرئزیدئنت اردوغان مئلونی ایله گؤروشون‌ده سون حادثه‌لرین تورکیه‌نین یوروتدویو اینسانی و ویجدان‌لی سیاستین نه قدر دوغرو اولدوغونو گؤستردیگینی، تورکیه‌نین سوریه‌ده باریش، آزادلیق، دیالوگ و عدالت طرفداری مؤوقعیینی داوام ائتدیردیگینی و بونون واجیب اولدوغونو بیلدیریب. سوریه‌نین اراضی بوتؤولویونو قوروماق و ثابت‌لیگه نایل اولماق لازیم اولدوغونو ایفاده ائتدی.
پرئزیدئنت اردوغان ایسرائیل تجاووزونون بو دفعه سوریه‌ده اورتایا چیخدیغینی، بو موناسیبتین سوریه‌نین ثابیتلیینه هئچ بیر قاتقی وئرمدیگینی، بو اؤلکه‌نین ترور عنصورلارین‌دان تمیزله‌نمه‌سینین لازیم اولدوغونو بیلدیریب.
پرئزیدئنت اردوغان فون در لاین ایله گؤروشون‌ده بیلدیریب کی، تورکیه سوریه‌نین ترور عنصورلارین‌دان تمیزله‌نمه‌سی، بیرلیگینین تامین ائدیلمه‌سی، اراضی بوتؤولویونون قورونماسی و بوتون سوریه‌لیلارلا بیرلیک‌ده ائتنیک و دینی عنصورلاری باریش ایچین‌ده یاشاماسی اوچون سوریه خالقینا گله‌جک‌ده ده گوجلو دستگینی داوام ائتدیره‌جک.
اردوغان سوریه‌لیلارین لیاقت‌لی، تهلوکه‌سیز و کؤنول‌لو شکیل‌ده اؤلکه‌لرینه قاییتمالاری اوچون پروسه‌سین پلانلاشدیریلدیغینی و سوریه‌نین یئنی‌دن قورولماسی ایشلرینین گئری دؤنوشو سورعتلندیرجگینی بیلدیریب.
گؤروش‌دن سونرا سوسیال مئدیا حسابین‌دان آچیقلاما وئر‌ن اورسولا فون در لاین سوریه‌ده‌کی حادثه‌لری موذاکیره ائتمک و پرئزیدئنت رجب طیب اردوغانلا گؤروشمک اوچون گلن هفته‌نین اولین‌ده تورکیه‌یه سفر ائدجگینی آچیقلاییب.
بازار گونو سوریه‌ده ۶۱ ایللیک بعث رئژیمی سوقوط ائتدی و دئوریلمیش لیدئر بشار اسد اؤلکه‌سینی ترک ائتدی.
