تورکیه تیجارت ناظیری، تورکمنیستان پرئزیدئنتی ایله گؤروشدو
تیجارت ناظیری عؤمر بولات، تورکیه ایله تورکمنیستان آراسیندا ۵ میلیارد دولارلیق تیجارت حجمی هدفینه ان قیسا زاماندا چاتماغی هدفلدیکلرینی ایفاده ائتدی
تیجارت ناظیری عؤمر بولات، تورکیه ایله تورکمنیستان آراسیندا ۵ میلیارد دولارلیق تیجارت حجمی هدفینه ان قیسا زاماندا چاتماغی هدفلدیکلرینی ایفاده ائتدی.
عؤمر بولات باشکند عشق‌آباددا گئچیریلن ۱۱-جی تورکمنیستان تورک صادرات محصوللاری سرگیسینده ایشتیراک ائتمک اوچون گئتدیگی تورکمنیستان‌دا پرئزیدئنت سردار بردی‌محمدوف طرفیندن قبول ائدیلیب.
بولات بوراداکی دگرلندیرمه‌سینده گوجونو قارداشلیق باغیندان آلان تورکیه-تورکمن علاقه‌لرینین خوصوصیله سون دؤورلرده نظرچارپاجاق ایرلیله‌ییش الده ائتدیگینی بیلدیریب و تورکمنیستان ایله تیجاری و ایقتصادی علاقه‌لری تورکمنیستان ناظیرلر شوراسی‌نین باشقانی نؤکرقولی آتاقولی‌یئو ایله هماهنگ شکیلده داوام ائتدیردیکلرینی بیلدیریب.
ناظیر بولات بیرگه چابالار نتیجه‌سینده تیجارت حجمینین ۲،۷ میلیارد دولارا یاخینلاشدیغینا ایشاره ائده‌رک سؤزلرینی داوام ائتدیردی: "قارشیلیقلی سرمایه‌لریمیز ۲۰۰ میلیون دولاری گئچیب و پیمانکارلاریمیز تورکمنیستان‌دا ۵۳،۵ میلیارد دولار دَگرینده ۱۱۰۰-ا یاخین پروژه حیاتا گئچیریب. تیجارت، سرمایه‌گذاری و موقاویله ساحه‌لرینده امکداشلیغیمیزی داها دا اینکیشاف ائتدیرمک مومکوندور. ان بؤیوک مقصدیمیز ان قیسا زاماندا ۵ میلیارد دوللار تیجارته هدفیمیزه چاتماقدیر".
