"تورکیه سوریه‌نین اراضی بوتوولویو و بیرلیگینین قورونماسینا هر زامان گوجلو دسته‌ک وئره‌جک"
پرئزیدئنت رجب طیب اردوغان‌ین باشقانلیغی ایله جمهور باشقانلیغی مجتمع‌سینده گئچیریلن میللی تهلوکه‌سیزلیک شوراسی توپلانتیسیندان سونرا بَیان‌نامه درج ائدیلیب
میللی تهلوکه‌سیزلیک شوراسی، تورکیه‌نین سوریه‌نین اراضی بوتوولویو و بیرلیگینین قورونماسینا هر زامان گوجلو دسته‌ک وئردیگینی و لازیم اولان بوتون تؤهفه‌لری وئرمه‌یه حاضیر اولدوغونو بیلدیریب.
بَیان‌نامه پرئزیدئنت رجب طیب اردوغان‌ین باشقانلیغی ایله جمهور باشقانلیغی مجتمع‌سینده گئچیریلن میللی تهلوکه‌سیزلیک شوراسی توپلانتیسیندان سونرا درج ائدیلیب.
بَیان‌نامه‌ده سوریه‌ده باش وئرن سون حادیثه‌لرین (رئژیم قووه‌لری ایله موخالیفلری آراسیندا موناقیشه‌لر) غیرنظامی اهالینین حیات و املاک تهلوکه‌سیزلیگینه ضرر وورماسینین قارشیسینین آلینماسی اوچون لازیمی تدبیرلرین گؤرولمه‌سینین واجیب اولدوغو بیلدیریلیب.
بَیان‌نامه‌ده، "(گؤروشده) رئژیمین اؤز خالقی و قانونی موخالیفی ایله گوذشته گئتمه‌لی اولدوغو بیر داها گؤرولدو، اؤلکه‌میزین سوریه‌نین اراضی بوتوولویو و بیرلیگینین قورونوب ساخلانماسینا هر زامان گوجلو دسته‌ک وئردیگی و تامین ائتمه‌یه حاضیر اولدوغو بیلدیریلیب. غیر-ثابیتلیک موحیطیندن ایستیفاده ائتمه‌یه چالیشان تئرور تشکیلاتلارینا اصلا بویون اَیمه‌یه‌جه‌ییمیز ایفاده ائدیلدی." یازیلیب.
