اردوغان، قوتئرئش ایله تلئفوندا دانیشیب
اردوغان، سوریه موناقیشه‌سینین یئنی مرحله‌یه گئچدیغینی، غیرنظامی اهالی آراسیندا تلفات اولماماسینین تورکیه‌نین ان بؤیوک آرزوسو اولدوغونو بیلدیریب
پرئزیدئنت رجب طیب اردوغان، بیرلشمیش میلتلر تشکیلاتی‌نین باش کاتیبی آنتونیو قوتئرئش ایله تلئفوندا دانیشیب.
گوروش زامانی پرئزیدئنت اردوغان، سوریه موناقیشه‌سینین یئنی مرحله‌یه گئچدیغینی، ساکیت اداره اولوندوغونو، سوریه‌ده داها بؤیوک غیر-ثابیتلیگین یاشانماماسینین و غیرنظامی اهالی آراسیندا تلفات اولماماسینین تورکیه‌نین ان بؤیوک آرزوسو اولدوغونو بیلدیریب.
سوریه رئژیمینین حاضیرکی مرحله‌ده هرطرفلی سیاسی حل اوچون اؤز خالقینی تعجیلی شکیلده جلب ائتمه‌لی اولدوغونو دئین اردوغان، تورکیه‌نین گرگینلیگی آزالتماق، غیرنظامی اینسانلاری قوروماق و سیاسی پروسه‌سه زمین یاراتماق اوچون چابالار گؤستردیگینی و بونو داوام ائتدیره‌جه‌گینی بیلدیریب.
آنتونیو قوتئرئش سوریه مسئله‌سی ایله باغلی وئردیگی آچیقلامادا، "بیز بوتون اؤلکه اراضیسینده آتیش‌کسین اوغورسوزلوغونون و بیرلشمیش میلتلر تشکیلاتی‌نین تهلوکه‌سیزلیک شوراسی‌نین قطعنامه‌لرینه اویغون اولاراق سیاسی حله یؤنلمیش گرگینلیغین آزالدیلماسی چابالارینین اوغورسوزلوغونون آجی نتیجه‌لری ایله اوزلشیریک" دئدی.
یانغین بؤلگه‌سینده اون مینلرله غیرنظامی شخصین ریسک آلتیندا اولدوغونو و بوتون طرفلرین بین‌الخلق حوقوقا اویغون اولاراق مولکی اینسانلاری قوروماق مجبوریتینده اولدوغونو قید ائدن قوتئرئش، "قان تؤکولمه‌سی دایاندیریلمالی‌دیر. بوتون تأثیر گوجونه مالیک اولان طرفلری یانغینی آرادان قالدیرماق اوچون چابا گؤسترمه‌یه چاغیریرام. سوریه خالقینین اوزون مدتدیر داوام ائدن آغریسی‌دیر" دئدی.
نوامبرین ۲۷-دن سوریه‌ده رئژیم قووه‌لری ایله موخالیف سیلاحلی قروپلار آراسیندا قارشی‌دورما داوام ائدیر.
