تورکیه، بوسنی و هرزگوین-ه هر جور اینسانی یاردیم گؤسترمه‌یه حاضیردیر
تورکیه، بوسنی و هرزگوینین یابلانیتسا شهرینده سئل و تورپاق سوروشمه‌سی نتیجه‌سینده حیاتینی ایتیرنلره باش‌ساغلیغی وئریب، تورکیه‌نین هر جور اینسانی یاردیمی گؤسترمه‌یه حاضیر اولدوغونو بَیان ائدیب
تورکیه، بوسنی و هرزگوینین یابلانیتسا شهرینده سئل و تورپاق سوروشمه‌سی نتیجه‌سینده حیاتینی ایتیرنلره باش‌ساغلیغی وئریب، تورکیه‌نین هر جور اینسانی یاردیمی گؤسترمه‌یه حاضیر اولدوغونو بَیان ائدیب.
بوسنی و هرزگوین‌‌ده باش وئرن سئل و تورپاق سوروشمه‌سی ایله باغلی خاریجی ایشلر ناظیرلیگیندن آچیقلاما وئریلیب.
آچیقلامادا، یابلانیتسادا لئیسان یاغیشلار و تورپاق سوروشمه‌سی نتیجه‌سینده اینسان اؤلوملریندن درین کدرلندیگیمیز ایفاده ائدیله‌رک، "اؤلکه‌میز دوست و قارداش بوسنی و هرزگوین-ه هر جور اینسانی یاردیم گؤسترمه‌یه حاضیردیر. یئرلی حاکیمیت اورگانلاری ایله امکداشلیق ائده‌رک ائحتیاجلاری معینلشدیرمک و یاردیمی چاتدیرماق اوچون چالیشیریق." ایفاده‌سی ایشلدیلدی.
آچیقلامادا حیاتینی ایتیرنلره الله‌دان رحمت، بوسنی و هرزگوین خالقینا باش‌ساغلیغی وئریلیر.
یئرلی قایناقلار بوسنی و هرزگوینین یابلانیتسا و کونژیج شهرلرینی ووران داشقینلاردا ۱۴ نفرین جسدینین تاپیلدیغینی، آختاریش قورتارما ایشلرینین داوام ائتدیگینی آچیقلاییب.
ایلگیلی‌لی خبرلر
اردوغان آلمان‌ین ماگدبورگ شهرینده نوئل بازارینا ائدیلن هوجومو شیدتله قیناییب
پرئزیدئنت اردوغان سوسیال مئدیا حئسابیندان بو هوجوم حاققیندا آچیقلاما وئریب
