قارص‌ین "گراویر پنیری" جغرافی ایشاره ایله تسجیل ائدیلدی
قارص تیجارت و صنایع اوتاغی طرفیندن ده ۲۰۲۱ده تورک پاتنت و برند انستیتوسونا ائدیله‌ن مراجعت نتیجه‌سینده گراویر پنیری، ۱۷ سپتامبردا جغرافی ایشاره تسجیل سندی آلدی
قارص‌دا یوکسک ارتفاعلی یایلاقلاردا بسلنه‌ن اینکلرین سودوندن چیخاریلان "گراویر پنیری" جغرافی ایشاره ایله تسجیل ائدیلدی.
شهرده‌کی مرکزده توپلانان سودلری معین مرحله‌لردن گئچیره‌ن استحصالچیلار، داها سونرا پاخیر قازانلارا کؤچوردوکلری سودو قایناداراق، پارچاجیقلار حالینا گتیریر.
قازانلاردان آلیناراق قالیبلارا دولدورولان سود، ۴۸ ساعات دینلندیریلیب سرین اوتاقدا تخمیناً ۶-۹ آی محافظه ائدیله‌رک گراویر پنیرینه چئوریلیر.
قارص تیجارت و صنایع اوتاغی (کاتسو) طرفیندن ده ۲۰۲۱ده تورک پاتنت و برند انستیتوسونا ائدیله‌ن مراجعت نتیجه‌سینده گراویر پنیری، ۱۷ سپتامبردا جغرافی ایشاره تسجیل سندی آلدی.
شهرده هر ایل تخمیناً ۲۰۰-۲۵۰ تون اطرافیندا گراویر چیخاریلیر.
استحصالچیلار، قارص‌ین گراویر پنیرینی دونیایا تانیداجاقلارینی ایفاده ائدیر.
ایلگیلی‌لی خبرلر
اردوغان آلمان‌ین ماگدبورگ شهرینده نوئل بازارینا ائدیلن هوجومو شیدتله قیناییب
پرئزیدئنت اردوغان سوسیال مئدیا حئسابیندان بو هوجوم حاققیندا آچیقلاما وئریب
