قوزئی قیبرس تورک جمهوریتیندن خبردارلیق: "سیلاحلانما آدایا فلاکت گتیره بیلر"
قوزئی قیبریس تورک جمهوریتی، گونئی قیبریس روم رهبرلیگی‌نین سیلاحلانما فعالیت‌لری‌نین بؤلگه‌ده‌کی حساس تارازلیغی پوزا بیله‌جگینی بیلدیریب.
قوزئی قیبریس تورک جمهوریتی، گونئی قیبریس روم رهبرلیگی‌نین سون دؤورلرده سیلاحلانما فعالیت‌لرینی آرتیردیغینی بیل‌دیره‌رک، بونون بؤلگه‌ده حساس تارازلیغی دییش‌دیره بیله‌جگی تهلوکه‌سینی وورغولاییب. قوزئی قیبریس تورک جمهوریتی‌نین خاریجی ایشلر ناظیرلیگی طرفیندن مؤوضوع ایله باغلی یازی‌لی آچیقلاما یاییلیب.
آچیقلامادا قئید ائدیلیر کی، گونئی قیبریس روم رهبرلیگی‌نین، امریکا کیمی گوجلرین دستکی ایله قوردوغو ایستراتژی طرفداش‌لیق‌لار سایه‌سینده سیلاحلانما فعالیت‌لرینی آرتیریر. ناظیرلیک بیلدیریب: "امریکانین ایستراتژی طرفداش‌لیق آدی آلتیندا گوئنی قیبریس روم رهبرلیگینه گؤستردیگی دستکین، ایسراییل و فرانسا کیمی اؤلکه‌لرله حربی امکداش‌لیق‌لاری‌نین بؤلگه‌ده حساس تارازلیغی دییش‌دیرمک تهلوکه‌سی یاراتدیغینی اوزون مدت‌دیر تکیدله قئید ائدیریک."
آچیقلامادا، سون گون‌لر گونئی قیبریس روم رهبرلیگی‌نین ایسراییلین هاوا هوجوموندان ساوونما سیستم‌لرینی قیبریس روم ساوونما سیستمینه داخیل ائتمک و ناتو عضو‌لوگونه دایر جهدلر گؤسترمه‌سی ایله باغلی خبرلرین یاییلماسی خاطیرلادیلیب:
"روم طرفی (تورکیه‌نین ده عضو اولدوغو) ناتو-نون گئنیشلنمه قراری‌نین یئکدیل‌لیکله قبول ائدیلدیگینی اونودا‌راق ناتو-یا عضو اولماغی دوشونه‌جک قدر جسارتلندیریلیب. بو جسارتی هانسی قوه‌لردن آلدیق‌لاری آچیق-آشکار اورتادا‌دیر."
ناظیرلیک قئید ائدیب کی، گونئی قیبریس روم رهبرلیگی بو گون بعضی گوجلرین ماراق‌لاری نامینه حربی بازا حالینا گتیریلمه‌یه چالیشیلیر و آدانین برابر حقوق‌لو صاحیب‌لری اولا‌راق، بونا قارشی موباریزه داوام ائتدیریله‌جک.
روم طرفی‌نین "سؤزده تهلوکه‌سیزلیک تهدیدی" بهانه‌سی ایله سیلاحلانما فعالیت‌لرینی آرتیردیغینا دقت چکیلن آچیقلامادا بو ایفاده لر علاوه ائدیلیب:
"(سیلاهلانما فعالیت‌لری) گله‌جکده بوتون آدا اوچون بؤیوک بیر فلاکت گتیره بیلر. بونا گؤره بیر داها بوتون طرف‌لری ساغلام دوشونجه‌لی اولماغا و اولوسلار آراسی آکتورلاری قیبریس روم طرفینی جسارتلندیرمک‌دن چکینمه‌یه چاغیریریق."
