اردوغان: امکداشلیغیمیزی داها دا گوجله‌ندیرمک آرزوسونداییق
جمهورباشقانی اردوغان، قیرقیزیستانین پایتاختی بیشکئک‌ده یوکسک سویه‌لی ایستراتژیک امکداشلیق شوراسی آلتینجی ییغینجاغیندا دانیشدی
جمهورباشقانی رجب طیب اردوغان، تورکیه-قیرقیزیستان تیجاری علاقه‌لرینی داها دا آرتیراجاقلارینی سؤیله‌دی.
جمهورباشقانی اردوغان، قیرقیزیستانین پایتاختی بیشکئک‌ده یوکسک سویه‌لی ایستراتژیک امکداشلیق شوراسی آلتینجی ییغینجاغیندا دانیشدی.
ایکی اؤلکه تهلوکه‌سیزلیک تشکیلاتلاری آراسیند‌اکی امکداشلیغین، تعلیم فعالیتلری و تکنیک دستک پروژه‌لری ایله موفق شکیلده داوام ائتدیگینی وورغولایان اردوغان، "فتح‌الله‌چی ترور تشکیلاتی (فئتؤ) باشدا اولماق اوزره ترورون هر جورونه قارشی موباریزه‌میزین کسینتیسیز سورجگینه ده اینانیرام. بو گون ایمضالایاجاغیمیز تهلوکه‌سیزلیک امکداشلیق راضیلاشماسی صورتی ایله امکداشلیغیمیزی داها دا گوجله‌ندیرمک آرزوسونداییق" دئدی.
ماناس اونیوئرسیته‌سینین دونیانین ان یاخشی اونیوئرسیته‌لری سیرالاماسینا گیرمه‌سیندن دویدوغو ممنونیتی ایفاده ائد‌ن اردوغان، اونیوئرسیته‌نین هم قیرقیزیستانین بشری سرمایه‌سینه هم علمه و صنعته ماکسیموم قاتقی اوئرمه‌سی اوچون اویوم ایچینده چالیشمانی داوام ائتدیرمه آرزوسونو دیله گتیردی.
غزه باشدا اولماق اوزره ایشغال ائدیلمیش فیلیسطین تورپاقلاریندا سوره‌ن ایسرائیل ظولمو گلوبال اؤلچکده ویجدانلاری دریندن یارالادیغینی ایفاده ائد‌ن اردوغان، "ایسرائیل‌ین ایندی ده لبنان‌ا ایستیقامتلی هوجوملاری بوتون بؤلگه تهلوکه‌سیزلیگینی و بین الخالق سیستمی تهدید ائدیر. (آذربایجان‌ین) شوشا شهرینده ائدیله‌ن غیر رسمی تورک دؤولتلری تشکیلاتی ذیروه‌سینده غزه‌ده وطنداشلارین آیریم ائتمه‌دن هدف آلینماسینی قینامیش، عاجیل آتیشکس و اینسانی کؤمک چاغریشی ائتمیشدیک. تورک دونیاسی اولاراق فیلیسطین مسئله‌سینین قالیجی و عدالتلی شکیلده حلی اوچون سعیلریمیزی داوام ائتدیرمه‌میز سون درجه اهمیتلیدیر" دئدی.
جمهورباشقانی، "ایسرائیل‌ه ایستیقامتلی بین الخالق باسقینین آرتیریلماسی اوچون بیرلشمیش میللتلر داخیل چوخ طرفلی جهدلریمیزه قیرقیزیستانین تامین ائتدیگی دستک اوچون تشکر ائدیره‌م" دئیه دانیشدی.
صاباح قیرقیزیستانین ائو صاحیبلیگینده ائدیله‌جک اولان تورک دؤولتلری تشکیلاتی ۱۱.جی ذیروه‌سینین و قیرقیزیستانین دؤور باشقانلیغینین خیرلره وسیله اولماسینی آرزو ائد‌ن اردوغان، قیرقیزیستانین دؤور باشقانلیغی مدتینده موشاهیده‌چی عضو شیمالی قیبریس تورک جمهوریتینین لاییق اولدوغو شکیلده تمثیلینه قاتقی وئریله‌جیینه اورک‌دن ایناندیغینی وورغولادی.
