تورکیه 2024-جو ایلده 323 243 تون فیندیق صادر ائدیب

تورکیه 2024-جو ایلده 323 مین 243 تون فیندیق صادرات ائدیب. صادراتین 27،3 فایزی آلمانیایا حیاتا کئچیریلیب.

قارا دنیز فیندیق و محصولاری صادراتچیلار بیرلیگی‌نین معلوماتینا گؤره، دونیا فیندیق تولیدینین بؤیوک بیر حیسه‌سینه صاحیب اولان تورکیه کئچن ایل 130 اؤلکه‌یه فیندیق صادر ائدیب.

صادر ائدیلن 323 243 تون فیندیق‌دان 2 میلیارد 635 میلیون 868 مین 856 دو‌لار گلیر الده اولونوب. معلوماتدا قئید ائدیلیب کی، اؤتن ایل ان چوخ صادرات آلمانیایا اولوب. بو اؤلکه‌یه 88 مین 260 تون فیندیق صادر ائدیلیب و بو صادراتدان 705 میلیون 443 مین 110 دو‌لار گلیر الده اولونوب کی، بو دا تورکیه‌نین فیندیق صادراتی‌نین 27،3 فایزینه برابردیر.

ان چوخ فیندیق صادر ائدیلن اؤلکه‌لر آراسیندا ایتالیا ایکینجی، لهستان ایسه اوچونجو یئرده‌دیر.