تورکیه 2024-جو ایلده ده آلمان توریست‌لرین سئچیمی اولا‌جاق
آلمانیانین آپاریجی توریزم شیرکتی اولان تی‌یو‌آی (TUI) تورکییه‌نین آلمان توریست‌لر اوچون گئتدیکجه داها چوخ سئویلن سیاهت مکانینا چئوریلدیگینی بیلدیردی.
تورکیه، 2024-جو ایل یای مؤوسومونده ده آلمان توریست‌لر اوچون ان چوخ ترجیح ائدیلن توریزم مکانلاریندان بیری اولاراق قالیر. آلمانیانین قاباقجیل توریزم شیرکتی تی‌یو‌آی (TUI) ، تورکیه‌نین آلمان توریست‌لر اوچون گئتدیکجه داها پوپولیار بیر استراحت ایستیقامتینه چئوریلدیگینی بیلدیریب.
تی‌یو‌آی (TUI) آلمانیا طرفیندن وئریلن آچیقلامادا، "تورکیه، آلمانیا‌دان گلن توریست‌لر اوچون بیرینجی یئرده‌دیر و حاضیردا تی‌یو‌آی ده 30 فایزدن چوخ آرتیم قئیده آلینیر" دئیه وورغولانیب.
گلن یای تورکیه‌ده بیر میلیون‌دان چوخ قوناقلا 2024-جو ایلین گوجلو یای اوغورو الده ائدیلمک ایستنیر و آلمانیا‌دان آنتالیا، دالامان، بودروم و ایزمیره اوچوش‌لار هفته‌لیک 1600-دن چوخ اوچوش ایله گئنیشلندیریلدی.
قیش مؤوسومونده ده گوجلو بیر آرتیم اولدوغونا دقت چکیلن آچیقلامادا "گئتدیکجه داها چوخ توریست قیش آیلاریندا تورکیه‌یه گئتمگی سئچیر. 30 فایزدن چوخ رزرواسیون آرتیمی ایله تورک ریویراسی آغ دنیزی‌نین یوکسلن مکانی اولاراق و پوپولیارلیق ریتینقینده غردقه و فوئرته ونتورادان سونرا اوچونجو یئرده‌دیر" ایفاده‌سی ایشلدیلیب.
ایلگیلی‌لی خبرلر
آنتالیا خاریجی توریست ساییندا رکورد حدلره چاتیب
بو ایل خاریجی توریست ساییندا رکورد قیران آنتالیا اها‌لیسی‌نین 7 قاتیندان چوخ قوناق قبول ائدیب.
