تورکیه‌نین باندیرما لیمانی 4 میلیون تون‌دان چوخ یوک قبول ائدیب

2024-جو ایلین ژانویه-اوکتبر آیلاریندا تورکیه‌نین باندیرما لیمانی 4 میلیون 96 مین 917 تون یوک قبول ائدیب.

بو باره ده تورکیه‌نین نقلیات و آلت یاپی ناظیرلیگیندن بیلدیریلیب.

ناظیرلیک‌دن وئریلن معلوماتا گؤره، باندیرما لیمانیندان تورکیه بایراغی آلتیندا اوزن بیر میلیون 470 مین 781 تون یوک، دیگر اؤلکه‌لرین بایراق‌لاری آلتیندا اوزن گمی‌لرله ایسه 3 میلیون 626 مین 136 تون یوک داشینیب.

2024-جو ایلین ژانویه-اوکتبر آیلاریندا باندیرما لیمانیندان 103 مین 602 تون ترانزیت یوک آشیریلیب.

قئید ائدک کی، 2024-جو ایلین اوکتبر آییندا تورکیه لیمان‌لاری 30 میلیون 655 مین 349 تون یوک قبول ائدیب.

بو دؤور عرضینده ده تورکیه بایراغی آلتیندا گمی‌لرله داخیلی لیمان‌لارا یوک قبولو 2 میلیون 474 مین 937 تون تشکیل ائدیب.

"تورکیه لیمان‌لارینا دیگر اؤلکه‌لرین بایراق‌لاری آلتیندا گمی‌لرله یوک داشینماسی 30 میلیون 180 مین 412 تون اولوب"، – دئیه ناظیرلیک‌دن بیلدیریلیب.

بونونلا یاناشی، 2024-جو ایلین اوکتبر آییندا تورکیه لیمانلاریندان‌ 5 میلیون 742 مین 347 تون ترانزیت یوک داشینیب.

ناظیرلیک‌دن وئریلن معلوماتا گؤره، 2024-جو ایلین ژانویه-اوکتبر آیلاریندا تورکیه لیمان‌لاری 331 میلیون 349 مین 368 تون یوک قبول ائدیب.

"تورکیه بایراغی آلتیندا گمی‌لرله یوک قبولو 25 میلیون 93 مین 787 تون تشکیل ائدیب. دیگر اؤلکه‌لرین بایراق‌لاری آلتیندا گمی‌لرله ایسه تورکیه لیمان‌لارینا یوک داشیما‌لار 306 میلیون 255 مین 581 تون تشکیل ائدیب"، – دئیه معلوماتدا قئید ائدیلیب.

معلوماتدا بیلدیریلیب کی، 2024-جو ایلین ژانویه-اوکتبر آیلاریندا تورکیه لیمانلاریندان‌ 57 میلیون 567 مین 755 تون ترانزیت یوک داشینیب.

قئید ائدک کی، بو ایلین اوکتبرآییندا تورکیه لیمان‌لاری 5 مین 396 گمی قبول ائدیب.

معلوماتا گؤره، بو دؤورده تورکیه لیمان‌لارینا دیگر اؤلکه‌لرین بایراق‌لاری آلتیندا قبول ائدیلن گمی‌لرین سایی 3 مین 451، تورکیه بایراغی آلتیندا قبول ائدیلن گمی‌لرین سایی ایسه مین 945 اولوب.

2024-جو ایلین ژانویه-اوکتبر آیلاریندا تورکیه لیمان‌لاری 51 مین 713 گمی قبول ائدیب.

"بو مدت عرضینده تورکیه لیمان‌لاری طرفیندن قبول ائدیلن دیگر اؤلکه‌لرین بایراق‌لاری آلتیندا اولان گمی‌لر 33 مین 584، تورکیه بایراغی آلتیندا اولان گمی‌لر ایسه 18 مین 129 اولوب"، – دئیه ناظیرلیک‌دن بیلدیریلیب.