عمر بولات تورکیه‌نین خاریجی تیجارتیله باغلی معلومات پایلاشیب

تیجارت ناظیری عمر بولات تورکیه‌نین نوامبر آیی خاریجی تیجارت معلومات‌لارینی آچیقلاییب.

ناظیر بولات پایتاخت آنکارادا وئردیگی معلوماتدا نوامبر آییندا 22 میلیارد 300 میلیون دو‌لارلیق صادرات رئاللاشدیریلدیغینی دئییب.

عمر بولات ژانویه-نوامبر دؤورونده صادراتین 5 میلیارد 800 میلیون دو‌لار آرتا‌راق 238 میلیارد دو‌لاری کئچدیگینی وورغولاییب.

ژانویه-نوامبر دؤورونده صادراتی ان چوخ آرتان سئکتورلار فیندیق و اوندان حاضیرلانان محصول‌لار، آوتوموبیل و پولاد سئکتورلاری اولوب. ان چوخ صادرات آلمانیایا ائدیلیب.

آلمانیانی امریکا و بؤیوک بریتانیا ایزله‌ییب.

بونو دا قئید ائدک کی، تیجارت ناظیری عمر بولات عشق آباددا کئچیریله‌جک تورک صادرات محصول‌لاری سرگی‌سینده ایشتیراک ائتمک اوچون تورکمنیستانا سفر ائده‌جک.

4-6  دسامبر 2024-جو ایل تاریخ‌لرینده عشق آباددا 70-دن چوخ تورک شیرکت و بیرلیگی‌نین ایشتیراکی ایله 11-جی تورک صادرات محصول‌لاری سرگی‌سی کئچیریله‌جک.

آچیلیش مراسیمینده ناظیر عمر بولاتین دا ایشتیراکی گؤزلنیلیر.

سرگی‌نین آچیلیشیندان سونرا تیجارت ناظیری بولاتین تورک شیرکت‌لری‌نین ایستندلرینی زیارت ائدجگی گؤزلنیلیر.