جمهور باشقانی یاردیمجیسی ییلماز، تورکیه‌-سنگال ایش فوروموندا

تورکیه جمهور باشقانی یاردیمجیسی جئودت ییلماز، تورکیه اقتیصادیاتینین بؤیومه پئرفورمانسینا دقت چکدی.

جئودت ییلماز ایستانبول‌دا گئچیریلن تورکیه‌-سنگال ایش فوروموندا چیخیش ائدیب.

۲۲ ایللیک اقتیصادی گؤستریجیلرینه دقت چکن ییلماز، "تورکیه سون ۲۲ ایلده اورتا حئسابلا یوزده ۵،۴ آرتیم الده ائدیب. عینی دؤورده دونیا اوزره اورتا گؤستریجی ۳،۶ اولوب. تورکیه دونیا اورتالاماسیندان چوخ یوکسک آرتیم گؤستریجیسی نوماییش ائتدیریب. بئله‌لیکله، اونون دونیا اقتیصادیاتیندا پایی دا آرتیب" دئدی.

جمهور باشقانی یاردیمجیسی قید ائدیب کی، آرتیمدا الده اولونان اوغورلار قارشیداکی دؤورده‌ ده داوام ائده‌جک.

۲۰۲۴-جو ایلین سونونا قدر میللی گلیرین ۱،۳ تریلیون دولاری، آدام‌باشینا دوشن گلیرین ایسه ۱۵ مین دولاری گئچه‌جه‌یینی گؤزلدیکلرینی وورغولایان جئودت ییلماز، "۲۰۲۷-جی ایلین سونونا قدر آدام‌باشینا دوشن گلیریمیزین ۲۰ مین دولاری گئچه‌جه‌یینی تخمین ائدیریک" دئدی.