تورک جمهوریتلری‌نده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
کئچه‌ن هفته قازاقیستان‌ین آوروپا ایله علاقه‌لرینین گوجلندیریلمه‌سی باخیمیندان اهمیتلی اینکیشافلار یاشاندی. قازاقیستان جمهورباشقانی قاسیم جومرد توکایئو ایلک دفعه صربیستان‌ا، خاریجی ایشلر ناظیری مراد نورتلئو ایلک دفعه کروواسی‌یه سفر گئرچکلشدیردی. ایندی بو سفرلرده اؤنه چیخان اینکیشافلارا نظر سالاق.
قازاقیستان جمهور باشقانی نقاسیم جومرد توکایئو ۱۹-۲۱ نوامبر ۲۰۲۴ تاریخلرینده صربیستان و ماجاریستان‌ا رسمی سفر گئرچکلشدیردی. صربیستان‌ا ایلک سفرینی گئرچکلشدیرن جمهورباشقانی توکایئو پایتاخت بلگراددا صربیستان جمهورباشقانی آلکساندر ووچیچ و باش ناظیر میلوش ووچئویچ ایله آیری آیری گؤروشدو. هیئتلر آراسی ائدیله‌ن گؤروشمه‌لر نتیجه‌سینده، قازاقیستان و صربیستان آراسیندا ۱۰ راضیلاشما ایمضالاندی. جمهورباشقانی توکایئو، سفر چرچیوه‌سینده باتاینیتسا هاوالیمانینا گئده‌رک صربیستان مدافعه صنایعی محصوللارینی یئرینده آراشدیردی.
قازاقیستان جمهورباشقانی قاسیم جومرد توکایئو، ۲۰ نوامبر ۲۰۲۴ تاریخینده، صربیستان‌دان ماجاریستان‌ا کئچدی. بو سفر، جمهورباشقانی توکایئوین ماجاریستان‌ا گئرچکلشدیردیگی ایلک دؤولت سفری اولدو. جمهورباشقانی توکایئو، پایتاخت بوداپست‌‌ده ماجاریستان جمهورباشقانی تاماس سولیوک، باش ناظیر ویکتور اوربان و مجلیس باشقانی لاسلو کئوئر ایله آیری یری گؤروشمه‌لر ائتدی. طرفلر آراسیندا ائدیله‌ن گؤروشمه‌لر نتیجه‌سینده، قازاقیستان و ماجاریستان آراسیندا ۶ راضیلاشما ایمضالاندی. جمهورباشقانی توکایئو، ماجاریستان سفری چرچیوه‌سینده ماجار-قازاق سرمایه ییغینجاغینا قاتیلدی. ییغینجاق سونوندا ایکی اؤلکه ایش آداملاری آراسیندا ۷ راضیلاشما ایمضالاندی. قاسیم جومرد توکایئوین سفری ۱۷ ایل آرادان سونرا بیر قازاق جمهورباشقانینین ماجاریستان‌ا گئرچکلشدیردیغگی رسمی سفر اولاراق قئیدلره کئچدی.
۲۱ نوامبر ۲۰۲۴ تاریخینده قازاقیستان خاریجی ایشلر ناظیری موراد نورتلئو، کروواسی‌یه رسمی بیر سفر گئرچکلشدیردی. ناظیر نورتلئو، پایتاخت زاگرب‌ده، کروواسی خاریجی ایشلر و آوروپا ایشلری ناظیری گوردان گرلیج رحمان ایله گؤروشدو. گؤروشمه سونوندا خاریجی ایشلر ناظیرلیکلری و دیپلوماسی آکاد‌میلری آراسیندا امکداشلیق راضیلاشما متنلری ایمضالاندی. بو سفر، بیر قازاق خاریجی ایشلر ناظیرینین کروواسی‌ه گئرچکلشدیردیگی ایلک رسمی سفر اولاراق قئیدلره کئچدی.
***
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدیر. کئچه‌ن هفته تورکمنیستان، قیرقیزیستان و اؤزبکیستاندا اهمیتلی فعالیتلر ائدیلدی.
۱۸ نوامبر ۲۰۲۴ تاریخینده تورکمنیستان‌دا تشکیل ائدیله‌ن "آنئو ۲۰۲۴ تورک دونیاسی مدنیت پایتاختی" فعالیتلرینین رسمی قاپانیش مراسیمی ائدیلدی. ایل بویونجا آنئو شهرینده تورک دونیاسی موزه‌چیلری، ر‌ساملاری، یازیچیلاری، تاتر و سینما نماینده‌لری بیر آرایا گلدیلر. ۲۰۲۵-جی ایلده آک‌تائو شهری، تورک دونیاسی مدنیت پایتاختی فعالیتلرینه ائو صاحبلیگی ائد‌جک.
۱۸ نوامبر ۲۰۲۴ تاریخینده اؤزبکیستانین پایتاختی داشکند‌ده، تورک دؤولتلری تشکیلاتی دیاسپوردان مسئول ناظیرلر و تشکیلات باشقانلاری ۶-جی ییغینجاغی گئرچکلشدیریلدی. ییغینجاغا تورک دؤولتلری تشکیلاتی‌نا عضو و موشاهیده‌چی اؤلکه‌لردن نماینده‌لر قاتیلدی. ییغینجاقدا، تورک جمهوریتلری‌نین دونیادا ۲۰ میلیون جمعیتلی دیاسپورا صاحب اولدوغو وورغولاندی.
۲۰ نوامبر ۲۰۲۴ تاریخینده قیرقیزیستانین پایتاختی بیشکئک‌ده مرکزی آسیا اونیوئرسیته رئیسلری فورومو تشکیل ائدیلدی. فوروما قازاقیستان، قیرقیزیستان، اؤزبکیستان، تاجیکیستان و تورکمنیستان‌دان اونیوئرسیته رئیسلری قاتیلدی. فوروم چرچیوه‌سینده ایکیلی راضیلاشمالار ایمضالاندی.
ایلگیلی‌لی خبرلر
تورک جمهوریتلری‌نده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
