آوراسیا جمهوریتلری‌نده گئچن هفته
گئچه‌ن هفته تورک دونیاسی مدنیتینین، صنعتینین اوره‌گی تورکمنیستاندا آتدی
۱۴ اکتبر ۲۰۲۴ تاریخینده عشق‌آباد شهرینده مرکزی آسیا و جنوبی کره مجلیس باشقانلاری ۲.جی ییغینجاغی گئرچکلشدیریلدی. ییغینجاغا جنوبی کره، قازاقیستان، قیرقیزیستان، اؤزبکیستان، تاجیکیستان و تورکمنیستان مجلیس باشقانلاری قاتیلدی. ییغینجاق‌دا جنوبی کره‌نین مرکزی آسیا اؤلکه‌لری ایله علاقه‌لری مؤوضوعلاری آیرینتیلی موذاکیره ائدیلدی. ییغینجاق چرچیوه‌سینده ایکیلی گؤروشمه‌لر ده ائدیلدی.
۱۵-۱۶ اکتبر ۲۰۲۴ تاریخلرینده ارمنیستان جمهور باشقانی واگن خاچاتوریان قازاقیستانا رسمی سفر گئرچکلشدیردی. رسمی گؤروشمه‌لردن سونرا قازاقیستان و ارمنیستان جمهورباشقانلاری بین‌الخالق آستانا مالیه مرکزینی گزدیلر و ارمنیستان مدنیت گونلرینین آچیلیش مراسیمینده ایشتیراک ائتدیلر. سفر اولینده قازاقیستان جمهورباشقانی قاسیم جومرد توکایئو ارمنیستان باش ناظیری نیکول پاشینیان ایله تلفوندا دانیشدی.
۱۶ اکتبر ۲۰۲۴ تاریخینده ایسلام آباد شهرینده شانگهای امکداشلیق تشکیلاتی حکومت باشقانلاری ییغینجاغی گئرچکلشدیریلدی. ییغینجاق سونوندا بعضی سندلر ایمضالاندی.
۱۷ اکتبر ۲۰۲۴ تاریخینده اؤزبکیستان جمهورباشقانی شؤوکات میرضیایئو آذربایجان جمهوریتی خاریجی کشفیات تشکیلاتی باشقانی اورخان سولطانووو قبول ائتدی. گؤروشمه‌ده ایکی اؤلکه علاقه‌لری، منطقه تهلوکه‌سیزلیگی کیمی مؤوضوعلار اله آلیندی.
۱۸ اکتبر ۲۰۲۴ تاریخینده بیشکئک شهرینده تورک دؤولتلر تشکیلاتی اقتصاد و تیجارتدن مسئول ناظیرلر ۱۳.جو ییغینجاغی ائدیلدی. ییغینجاغا تشکیلاتا عضو و موشاهیده‌چی اؤلکه‌لرین اقتصاد و تیجارت ناظیرلری قاتیلدی. قیرقیزیستان باش ناظیری آکیل‌بک جاپاروو ییغینجاغا قاتیلان ناظیرلری قبول ائتدی.
گئچه‌ن هفته تورک دونیاسی مدنیتینین، صنعتینین اوره‌گی تورکمنیستاندا آتدی. آنئو-۲۰۲۴ تورک دونیاسی مدنیت پایتاختی فعالیتلری عشق‌آباد و آنئو شهرلرینده تشکیل ائدیلدی. ۱۷-۲۰ اکتبر ۲۰۲۴ تاریخلرینده آنئو شهرینده تورک دونیاسی ر‌ساملار گؤروشمه‌سی گئرچکلشدیریلدی. ر‌ساملار گؤروشمه‌سینه تورک جمهوریتلریندن ۲۲ ر‌سام قاتیلدی.
۱۸-۲۰ اکتبر ۲۰۲۴ تاریخلرینده عشق‌آباد شهرینده ۲.جی تورکسوی تاتر فئستیوالی گئرچکلشدیریلدی. آنئو-۲۰۲۴ تورک دونیاسی مدنیت پایتاختی فعالیتلری چرچیوه‌سینده گئرچکلشدیریلن فستیوالا تورک جمهوریتلریندن تاتر اویونچولاری قاتیلدیلار.
عینی گون عشق‌آباد شهرینده تورک دونیاسی یازارلار فورومو ائدیلدی. فوروما آذربایجان، قازاقیستان، قیرقیزیستان، اؤزبکیستان، تورکمنیستان و تورکیه‌دن نماینده‌لر قاتیلدی. ۱۹ اکتبر ۲۰۲۴ تاریخینده عشق‌آباد شهرینده تورکسوی یازارلار بیرلیگی ییغینجاغی دا گئرچکلشدیریلدی.
***
۱۴ اکتبر ۲۰۲۴ تاریخینده ژنو شهرینده پارلمانلار آراسی بیرلیگین ۱۴۹.جو قورولتایی باشلادی. قورولتایا آذربایجان و تورکیه مجلیس باشقانلاری ایشتیراک ائتدی. مجلیس باشقانلاری صاحبه غافارووا و نعمان کورتولموش ایکیلی گؤروشمه ده گئرچکلشدیردیلر.
۱۸ اکتبر ۲۰۲۴ تاریخینده ایستانبول شهرینده جنوب قافقاز منطقه امکداشلیق پلتفورمو ۳.جو ییغینجاغی ائدیلدی. ییغینجاغا آذربایجان، ارمنیستان، ایران، روسیا و تورکیه خاریجی ایشلر ناظیرلری قاتیلدی. ییغینجاق سونوندا اورتاق معلومات ایمضالاندی. جمهورباشقانی رجب طیب اردوغان ییغینجاغا گلن خاریجی ایشلر ناظیرلرینی قبول ائتدی.
۱۸ اکتبر ۲۰۲۴ تاریخینده آنکارا شهرینده ۹.جو تورک دونیاسی مستند فیلم فستیوالی موکافات مراسیمی ائدیلدی. تورک دونیاسی مستند فیلم فستیوالیندا ۱۴۴ فیلم درجه‌یه گیرمک اوچون یاریشدی.
ایلگیلی‌لی خبرلر
تورک جمهوریتلری‌نده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
