"اریشته‌لی یاشیل مرجیمک آشی" نئجه پیشیریلیر؟

سیزلرله بیر آش تعریفی پایلاشاجاغیق؛ "اریشته‌لی یاشیل مرجیمک آشی". آش دئدیگیمیزه باخمایین، او قدر بسله‌ییجی بیر خؤرک کی بو آش، تک باشینا دا یئمک اولابیلر. پروتئین قایناغی یاشیل مرجیمک‌ و ائوده دوزلدیلمیش اریشته‌نین گؤزل بیر قاریشماسی اولان "اریشته‌لی یاشیل مرجیمک آشی" هم لذت‌لی، هم ده حاضیرلاماسی اولدوقجا آسان بیر یئمک.

اریشته‌لی یاشیل مرجیمک آشی پیشیرمک اوچون لازیم اولانلار:

1  سو ایستکانی یاشیل مرجیمک

1/2  سو ایستکانی hریشته (یومورتالی ائو ماکارونوسو)

1  یئمک قاشیغی کره یاغی

4  سو ایستکانی سو

1  سو ایستکانی ات سویو و یا تویوق سویو

4-5  ایستکان سو

 1/2  عدد سوغان

1/3  شیرین قاشیغی قورو نعناع

1  شیرینی قاشیغی دوز

1/3  شیرینی قاشیغی دوغرانمیش بیبر

1  یئمک قاشیغی بامادور روببو

اریشته‌لی یاشیل مرجیمک آشی پیشیرمک اوچون اوّلجه یاشیل مرجیمک‌لری یاخشیجا یویون و سودا 5-6 دقیقه قاینادین. سونرا سویو سوزون. سوغانی کیچیک دوغرایین. کره یاغینی اریدین و سوغان‌لاری کره یاغیندا قووورون. بامادور روببونو دا علاوه ائده‌رک سوغان‌لارلا بیرلیکده 2-3 دقیقه داها قووورون. داها سونرا سودا پیشیریلمیش و سوزولموش مرجیمک‌لری علاوه ائدیب بیر نئچه دقیقه بیرلیکده پیشیرین. تویوق سویونو یاواش-یاواش علاوه ائدین. دوز و دیگر ادویات‌لاری دا علاوه ائده‌رک سویو قاینادین. سون اولا‌راق ائوده دوزلدیلمیش اریشته‌نی قاینایان مرجیمک‌لره علاوه ائدین. اگر اریشته تاپماسانیز پاکت‌لی ماکارونی ده ایستیفاده ائده‌بیلرسیز. آنجاق خیردا و تئز پیشن نوعده بیر ماکارونی سئچمه‌یینیزی تکلیف ائدیریک. اریشته و یا ماکارونی‌لر پیشنده آشنیز حاضیر دئمک‌دیر. آشین اوستونه کره یاغیندا قورولموش قورو نعناع علاوه ائده‌رک ده سرویس ائده‌بیلیرسیز. عافیت اولسون!