کورسک حادثه‌سی: هر ایکی طرف اوچون ریسک‌لی و گؤزلنیلمز هوجوم
مؤوضوع ایله باغلی تورکیه سیاست، اقتصادیات و جمعیت آراشدیرما‌لاری فوندو – ستا-نین آراشدیرماچی-یازاری جان آجونون یازی‌سینی تقدیم ائدیریک.
مؤوضوع ایله باغلی تورکیه سیاست، اقتصادیات و جمعیت آراشدیرما‌لاری فوندو – ستا-نین آراشدیرماچی-یازاری جان آجونون یازی‌سینی تقدیم ائدیریک.
اوکراینا اوردوسو گؤزلنیلمه‌دن کورسک بؤلگه‌سینه هوجومو ائتسه ده، روسیا داها جاواب وئرمه‌ییب. 2024-جو ایل آوقوستون 6-دا باشلایان ایشغال 1200 کیلومتر مربع اراضینی احاته ائدیر، 250 میندن چوخ روسیا وطنداشی اؤز ائو-ائشیگیندن دیدرگین دوشوب. بو سورپریز آددیم روسیا اوردوسونون هله نه قدر کؤو‌رک اولدوغونو گؤسترسه ده، روسیا‌لی‌لار دیگر جبهه‌ده - دونتسک بؤلگه‌سینده ایرلیلییرلر.
2022-جی ایل فوریه‌نین 24-ده روسیا پرزیدنتی ولادیمیر پوتین‌ین خصوصی حربی عملیات امری وئرمه‌سی ایله باشلایان روسیا-اوکراینا محاربه‌سی اوکراینا اوردوسونون کورسک بؤلگه‌سینده عکس حرکاتی ایله یئنی مرحله‌یه کئچدی. آوقوستون 6-دا قفیل هوجوملا اوکراینا اوردوسو محاربه باشلایان‌دان بری ایلک دفعه روسیا اراضی‌سینه گیردی. اوکراینانین باش قرارگاه رئیسی ژنرال آلکساندر سیرسکی‌نین سؤزلرینه گؤره، حربی قوه‌لر 1000-1200 کیلومتر مربع اراضینی اله کئچیریب. آرتیق 84 یاشاییش منطقه‌سی اوکراینا اوردوسو طرفیندن توتولوب. 250 مین روسیا وطنداشی بؤلگه‌نی ترک ائتمک مجبوریتینده قالیب. روسیانین یاشیل اتوبوس لاری ساکین‌لری باشقا یئرلره کؤچورور. خاطیرلاییرسینیزسا، حلب‌ده روس‌لارین دا ایشتیراک ائتدیگی هوجوم‌لارا گؤره قیرغین‌لارین یاشاندیغی زامان حلب‌لیلر بو یاشیل اتوبوس لارلا بؤلگه‌دن چیخاریلیردی. اوخشار شئی‌لر ایندی روسیانین باشینا گلیر.
کورسک عملیاتی‌نین ایستراتژی دگری ندیر؟ کورسک ویلایتی روسیانین اوکراینا ایله سرحدده یئرلشن مهم بؤلگه‌سی‌دیر. خصوصیله، روسیانین ایشغال ائتدیگی دونتسک ایله یاخین‌لیغی ایله اهمیت کسب ائدیر. بورا‌دان لجستیک دمیر یولو خطری کئچیر، بؤلگه‌ده طبیعی گاز پمپاژ ایستگاهی و بؤیوک آتوم الکتریک سانترالی یئرلشیر.
طبیعی کی، بوتون بون‌لاردان علاوه، اوکراینا اوردوسونون بئله بیر اوغور حکایه‌سینه جدی احتیاجی وار ایدی. اوکراینا عسگر یئترسیزلیگینه گؤره روسیایا اوستونلوک قازانماغا باشلاییب.
ایسراییلین غزه ده قیرغین‌لاری و مومکون ایران-ایسراییل قارشیدورماسی دونیانین گونده‌لیگینی یاخین دوغویا چئویردیگیندن اوکراینا بو وضعیت‌دن ده سون درجه ناراحات ایدی. بون‌دان علاوه، امریکادا قارشی‌دان گلن پرزیدنت سئچکی‌لری، نامیزدلرین اوکراینانی داها دستکله‌یه بیلمه‌یه‌جک‌لری کیمی موضع لری جدی جانسیخیجی‌لیق یاراتمیش، معنوی موتیواسیونونو آزالتمیشدی. اونا گؤره ده اوکراینا اوردوسونون جبهه‌ده بئله قفیل هوجوما کئچمه‌سی روسیانین ضعیف طرف‌لرینی اوزه چیخارا‌راق قیسا زاماندا بؤیوک بیر اراضییه نظارتی اله کئچیرمه‌سی باخیمیندان ریسک‌لی ده اولسا، بؤیوک و اوغورلو آددیم‌دیر.
ایشغال‌دان هفته‌لر کئچسه ده، روسیا‌لی‌لار یئترینجه استحکام قوروب اوکراینا‌لی‌لاری چیخارا بیلمه‌ییب‌لر، عکسینه، گؤرونن اودور کی، اوکراینا اوردوسو بؤلگه‌ده ایرلیلییر و ظفرینی آرتیرماغا چالیشیر. چوخ سایدا عسگری‌نین اسیر دوشمه‌سی ده روسیا اوردوسوندا جدی پروبلئم‌لر اولدوغونو، پلانلاما، لجستیک قابیلیت لرینین هله ده ضعیف‌لیگینی گؤستریر. کورسک هوجومونون ایلک ساعات‌لاریندا روسیانین 100-دن چوخ عسگری اسیر گؤتورولوب. بو وضعیت روسیانین جبهه‌ده کیفایت قدر حربی گوجه مالیک اولمادیغینا ایشاره‌دیر. بونا گؤره ده کورسک عملیاتی اوکراینا اوردوسونا پسیکولوژی اوستونلوک وئریر.
روسیا پرزیدنتی اوردوداکی یاپیسال پروبلئم‌لرینی حل ائتمک اوچون چئویک رئاکسیا وئرمه‌لی و سرت قرارلار قبول ائتمه‌لی‌دیر. کورسک‌دا ایشغال درینلشرسه، ولادیمیر پوتین محاربه و تام سفربرلیگه قرار وئرمه‌لی و اویون قایدا‌لارینی دییشمه‌لی اولا‌جاق. گؤرونن اودور کی، روسیا اوردوسو حاضیردا دونستک بؤلگه‌سینده ایره‌لیلمه‌یه دقت یئتیریر و اورادا قیسما اوغورلار قازانیر. دونتسک تامامیله ییخی‌لارسا، روسیا کورسک حمله سینه قارشی بیر حمله ائده رک الینی یئنی‌دن گوجلن‌دیره بیلر. هر بیر حالدا، کورسک حادثه‌سی هر ایکی طرف اوچون ریسک‌لی و گؤزلنیلمز هوجوم ساییلیر.
ایلگیلی‌لی خبرلر
تورک جمهوریتلری‌نده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
