تی‌آرتی وورلد وطنداش مکافاتلاری صاحیبلیرینه وئریلدی

تورکیه رادیو و تئلئویزیون قورومونون (TRT) سوسیال مسئولییت ساحه‌سینده اهمییتلی مارکاسی اولان آلتینجی ترت دونیا وطنداش (TRT World Citizen) موکافاتلاری بو ایل کئچیریلیب.

ایستانبول‌دا فرق یارادان حئکایه‌لری اولان شخصلرین موکافاتلاندیریلدیغی مراسیمده ۶ فرقلی کاتئقوری‌ده موکافاتلار وئریلدی.

TRT-نین باش دیرئکتورو محمد زاهد سوباجی‌نین ائو صاحیبلی‌یی ائتدییی مراسیمده کومونیکاسیالار دیرئکتورو فخرالدین آلتون دا ایشتیراک ائدیب.

مراسیم‌ده فیلیسطین‌لی مغنّی لینور فیلیسطین اوچون بسته‌لدی‌یی "اویان" (Wake Up) و "کیپ یوور کئی" (Keep Your Key) ماهنیلارینی ایفا ائدیب.

دونیادا ایلین وطنداشی موکافاتی ایسرائیل هوجوملاریندا حیاتینی ایتیرن عایشه نور ازگی ائیگی‌ آدینا وئریلیب.

کومونیکاسیا دیرئکتورو فخرالدین آلتون موکافاتی ائیگی‌نین آتاسی محمد سوآت ائیگی‌یه تقدیم ائدیب.

حیات بویو نایلییت موکافاتینین غالیبی "استیو سوسئبه" اولوب.

سوسئبه اینسان حوقوقلاری، هومانسانی انیتار یاردیم و طیبی دسته‌ک ساحه‌لرینده گؤرکملی تؤخفه‌لرینه گؤره موکافاتا لایق گؤرولوب.

بو ایل TRT خوصوصی موکافاتی دا وئریلدی.

موکافات سوریه‌ده‌کی موحاریبه زامانی خسته‌خانانی اداره ائدن و یارالی‌لارین موعالیجه‌سی و مولکی شخصلرین ساغ قالماسی اوچون فؤق‌العاده چابالار گؤسترن دوکتور امانی باللوورا وئریلیب.

باللوور آدینا اونو تمثیل ائدن همکاری دوکتور سالیم نامور موکافاتی آلدی.

«تحصیلچی موکافاتی» «بیز اوخوماغی سئویریک» تشبوثونون یارادیجیسی رانا داژانی‌یه‌ تقدیم اولونوب.

گنجلیک موکافاتی فرانسه‌ده حیجابلی قادین ایدمانچیلارین اوزلشدییی چتینلیکلره و آیری-سئچکیلییه دقت چکمک اوچون چالیشان "هلنه با"یا وئریلیب.

ترت وورلد سیتیزن دا کومونیکاتور موکافاتی دا ائشیتمه قوسورلو اینسانلارین موستقیل ارتباط قورا بیلمه‌سی اوچون چالیشان "عظیمه دهانژ"ه و "آرهوم اسحاق"-آ وئریلیب.

فردی جابالارین داها یاخشی بیر دونیا اوچون نه قدر تأثیرلی اولا بیله‌جه‌یینی اوزه چیخاراراق فرق یارادان اینسانلارین موکافاتلاندیریلدیغی مراسیم، خاطیره فوتوشکیلی ایله سونا چاتدی.