ایشلنمیش قیرمیزی اتین حدیندن آرتیق ایستئهلاکی دئمانس ریسکینی آرتیرا بیلر

ایشلنمیش قیرمیزی اتین حدیندن آرتیق ایستئهلاکی دمانس ریسکینی آرتیرا بیلر.

هاروارد اونیوئرسیته‌سینین خالق ساغلاملیغی دئپارتمانی‌نین تدقیقاتچیلاری، کالباس و سوسیس کیمی چوخلو ایشلنمیش قیرمیزی ات محصوللاری ایستئهلاک ائدن اینسانلارین دمانس اینکیشاف ریسکینین داها یوکسک اولدوغونو موعیین ائتدیلر.

ساینس دیلی خبر وئریر کی، اورتالاما ۴۹ یاشیندا اولان و دمانس اولمایان تخمینا ۱۳۴۰۰۰ ایشتیراکچی هر ۲ الی ۴ ایلده بیر قیدا گونده‌لیگی دولدوروب، یئدیکلری قیدالاری و اونلاری نه قدر ایستیفاده ائتدیکلرینی قید ائدیبلر.

تدقیقاتچیلار ایشتیراکچیلاری گونده یئدیکلری قیرمیزی اتین اورتا میقدارینا گؤره ”آز میقداردا ایستئهلاکچیلار»، ”اورتا میقداردا ایستئهلاکچیلار» و «بؤیوک میقداردا ایستئهلاکچیلار» اولماقلا ۳ قروپا آییریبلار.

آراشدیرما نتیجه‌سینده معلوم اولوب کی، ایشلنمیش قیرمیزی ات محصوللارینی "چوخ میقداردا ایستئهلاک ائدن» اینسانلاردا” آز میقداردا ایستئهلاک ائدن»لره نیسبتا سونراکی ایللرده دئمانس دیاقنوزو قویولما ریسکی ۱۳ فاعیض چوخدور.

آراشدیرمادا چوخ ایشلنمه‌میش قیرمیزی ات ایستئهلاک ائدنلرله آز ایستئهلاک ائدنلر آراسیندا دئمانس دیاقنوزو قویولما ریسکینده هئچ بیر فرق اولمادیغی ایفاده ائدیلدی.

دیگر طرفدن، تدقیقاتچیلار گونده بیر وعده ایشلنمیش قیرمیزی اتین یئرینه بیر وعده قورو یئمیش و یا پاخلالی بیتکیلرین ایستئهلاکینین دئمانس ریسکینی یوزده ۱۹، بالیق ایستئهلاکینین یوزده ۲۸، آغ ات ایستئهلاکینین ایسه یوزده ۱۶ آزالتدیغینی وورغولادیلار.

آراشدیرمانین نتیجه‌لری "آمئریکا نورولوژی آکادئمیسی" ژورنالیندا درج اولونوب.