موغنی رابی ویلیامز ایلک دفعه ایستانبولدا کنسرت وئره‌جک

دونیاجا مشهور موغنی رابی ویلیامز ایلک دفعه ایستانبولدا موسیقی‌سئورلرله گؤروشه‌جک.

"Angels", "Feel"  و  "Let Me Entertain You" کیمی ماهنی لاری ایله موسیقی دونیاسیندا اوغور قازانان ویلیامز "Live 2025" تورو چرچیوه‌سینده اوکتبرین 7-ده فستیوال پارک یئنی‌کاپیدا کنسرت وئره‌جک.

کاریئری بویونجا چوخ سایلی نفوذلو موکافات‌لار، او جمله‌دن Brit Awards  کیمی موکافات‌لاری قازانان رابی ویلیامز صحنه‌ده‌کی صمیمیتی و طرفدارلاری ایله یاراتدیغی خصوصی باغ، ائله‌جه ده موسیقی‌سی ایله تانینیر.

کنسرتین بیلط ‌لری 20 ژانویه تورکیه واختی ایله ساعات 13:00-دان اعتباراً Biletix, Passo, Biletinial  و " Bubilet"ده ساتیشا چیخاریلا‌جاق.