شیرناک‌دا اوپئرا و باله فئستیوالی
دؤولت اوپئرا و باله باش ایداره‌سی طرفین‌دن بو ایل ایلک دفعه تشکیل ائدیلن آنادولو اوپئرا و باله فئستیوالی آنادولونون قدیم شهری شیرناک‌دا کئچیریله‌جک.
دؤولت اوپئرا و باله باش ایداره‌سی طرفین‌دن بو ایل ایلک دفعه تشکیل ائدیلن آنادولو اوپئرا و باله فئستیوالی آنادولونون قدیم شهری شیرناک‌دا کئچیریله‌جک.
آنکارا دؤولت اوپئرا و باله‌نین ایفا ائتدیگی شهر نوح کونسئرتی صاباح ساعات ۱۸.۰۰-دا (تورکیه ساعاتی ایله) شیرناک اونیوئرسیته‌سی ۱۵ ایول کونگره و مدنیت مرکزی سالونون‌دا موسیقی سئورلره تقدیم اولوناجاق.
کونسئرت‌ده تورک کلاسیک موسیقی‌سی اثرلرین‌دن موش ایله بیرلیگده، شیرناک، آدی‌یامان، دیاربکیر، وان، غازی آنتپ و دیارباکیر تورکولری، هالای قاریشیغی و آذربایجانی دونیا صحنه‌لرین‌ده تمثیل ائد‌ن آرشین مال آلانین یارادیجیلیغین‌دان بیر بؤلوم تقدیم اولوناجاق.
اورکئستری باغلاما، نئی، زورنا، ناغارا و کمان ایفاچیلاری همراه‌لیک ائد‌جک.
فئستیوال چرچیوه‌سین‌ده آنکارا دؤولت اوپئرا و باله مودیرلیگینین حاضیرلادیغی «سئهیرلی دونیا» آدلی اوشاق تاماشاسی دا صحنه‌لش‌دیریله‌جک.
اوشاقلار اوپئرا، اورکئستر و آلتلرله تانیش اولاجاق، عینی زاماندا صنعت آداملاری ایله صحبت ائد‌جکلر.
فئستیوال شیرناک‌دان سونرا ۸-۱۰ دئکابر تاریخلرین‌ده ارزینجان‌دا داوام ائد‌جک.
