سدولباهیر قالاسی موکافاتا لاییق گؤرولدو

چاناققالا شهرینده یئرلشن سدولباهیر قالاسی‌نین برپاسی اؤز ساحه‌سینده دونیانین ان نفوذلو موکافاتلاریندان‌ بیری قبول ائدیلن "Dezeen" موکافاتینا لاییق گؤرولوب.

قئید ائدک کی، سدولباهیر قالاسی چاناققالادا قدیم مدافعه تیکی‌لی‌سی‌دیر.

قالانین برپاسی استرالیا، چین، مالزی، بلژیک، اینگیلتره و اسکاتلندنین 15 لاییحه‌سینی اوسته‌له‌ییب.

برپا دونیانین مشهور نشرلریندن بیری اولان "Dezeen" ژورنا‌لی‌نین تشکیل ائتدیگی موسابیقه‌ده بیرینجی سئچیلیب.

موکافات 90 نفرلیک داورلر هئیتی‌نین قیمتلندیرمه‌سی نتیجه‌سینده معمارلیق کاتقوری سینده میراث لاییحه‌سی شعبه‌سینده تقدیم ائدیلیب.

موسابیقه‌یه موختلیف کاتقوری لر اوزره 82 اؤلکه‌دن 231 لاییحه قاتیلیب.

سدولباهیر قالاسی 1658-جی ایلده چاناققالانین گیریشینده تیکیلیب.

3 نوامبر 1914-جو ایلده چاناققالا دؤیوش‌لری‌نین باشلانغیجیندا بومبا‌لانان قالادا ایلک شهیدلر وئریلیب.

2015-جی ایلده قالادا برپا لاییحه‌سینه باشلانیلیب.

رستوراسیوندان سونرا سدولباهیر قالاسی تورکیه جمهوریتی‌نین یارانماسی‌نین 100-جو ایلدؤنومو موناسیبتیله 18 مارس 2023-جو ایلده پرزیدنت رجب طیب اردوغان طرفیندن زیارتچی‌لرین ایستیفاده‌سینه وئریلیب.

قالا لاییحه‌سی اول‌لر بیر چوخ میللی و اولوسلار آراسی موکافات‌لارا لاییق گؤرولوب.