آجی شکلات یئمک تیپ ۲ دیابئت ریسکینی آزالدابیلر
بریتانیانین "د بریتیش مدیکال ژورنال" طیب ژورنالیندا درج ائدیلن بیر آراشدیرما، هفته‌ده ۵ و یا داها چوخ آجی شکلات یئمه‌نین ۲-جی تیپ دیابئت ریسکینی یوزده ۲۱ آزالدابیله‌جه‌گینی اورتایا قویدو
آجی شکلات یئمک تیپ ۲ دیابئت ریسکینی آزالدابیلر.
بریتانیانین "د بریتیش مدیکال ژورنال" طیب ژورنالیندا درج ائدیلن بیر آراشدیرما، هفته‌ده ۵ و یا داها چوخ آجی شکلات یئمه‌نین ۲-جی تیپ دیابئت ریسکینی یوزده ۲۱ آزالدابیله‌جه‌گینی اورتایا قویدو.
چین و آمریکادا آراشدیرما آپاران تدقیقاتچیلار طرفیندن حاضیرلانان "آجی شکلات یئمک و ۲-جی تیپ دیابئت ریسکی" آدلی آراشدیرما بریتانیانین هفته‌لیک طیب ژورنالی "د بریتیش مدیکال ژورنال"-دا درج اولونوب.
۱۹۸۶-۲۰۲۱-جی ایللر آراسیندا تخمینا ۱۹۲ مین ۲۸ آدام اوزرینده آپاریلان آراشدیرمادا شکلات یئمه‌نین ۲-جی تیپ دیابئته تأثیری، ۱۱۱ مین ۶۵۴ آدام اوزرینده آپاریلان آراشدیرمادا شکلات چئشیدلرینین (سودلو و آجی) تأثیری موذاکیره ائدیلیب.
شکلات یئمه‌نین ۲-جی تیپ دیابئته تأثیرینین آراشدیریلدیغی قروپدا بو تیپ دیابئت یالنیز ۱۸ مین ۸۶۲ آدامدا، دیگر قروپدا ایسه ۴ مین ۷۷۱ نفرده باش وئریب.
آراشدیرما نتیجه‌سینده هر هانسی شکلات یئینلرده ۲-جی تیپ شکر خسته‌لیگینه توتولما ریسکینین شکلات آز یئینلره نیسبتا یوزده ۱۰ آز اولدوغو بیلدیریلیب.
هفته‌ده ۵ و داها چوخ آجی شکلات یئینلرین ۲-جی تیپ دیابئت ریسکینی یوزده ۲۱ آزالدابیله‌جه‌گینی اورتایا قویان آراشدیرمایا گؤره، سودلو شکلات یئمه‌نین بو چئشید دیابدته جیدّی تأثیر ائتمه‌دیگی گؤرولدو.
سودلو شکلات یئمه‌نین اوزون وعده‌ده کیلو آلماغا تأثیر ائتدیگینی ایفاده ائدن آراشدیرما نتیجه‌سینده آجی شکلادین ترکیبینده‌کی پروتئینلر سایه‌سینده اؤدمی آزالتما، اورک-دامار سیستئمینی قوروما و آنتی‌اکسیدان خوصوصیتلره مالیک اولدوغو ایفاده ائدیلدی.
ایشتیراکچیلارین پهریزلرینین هر ۴ ایلدن بیر دَگیشدیریلدیگی و مونتظم اولاراق کیلو، فیزیکی فعالیت و یئمک آلیشقانلیقلاری ایله باغلی بیلگیلرین توپلاندیغی آراشدیرما چرچیوه‌سینده آجی شکلادین دوزونون آرتیریلماسینین تأثیرلری ده آراشدیریلیب. مووافیق اولاراق، هر هفته‌لیک دوز آرتیمی ایله ۲-جی تیپ دیابئت ریسکی علاوه اولاراق یوزده ۳ آزالدی.
تدقیقات همچینین آجی شکلات یئمه‌نین ریسکی آزالتما پتانسیلینه مالیک اولدوغونو، لاکین تاپینتیلارین داها چوخ نظارت ائدیلن آراشدیرمالارلا تصدیقلنمه‌سی لازیم اولدوغونو ایفاده ائتدی.
آراشدیرمادا ۲۰۱۹-جو ایلده دونیا اوزره ۲-جی تیپ دیابئتدن اذیت چکن اینسانلارین سایی‌نین ۴۶۳ میلیون اولدوغو، ۲۰۴۵-جی ایلده ایسه بو رقمین ۷۰۰ میلیونا یوکسلجه‌یی تخمین ائدیلیر.
