دونیادا تانینمیش آمریکالی بسته‌کار و موسیقی یاپیمجیسی "کوئینسی جونز" وفات ائدیب
۹۱ یاشیندا دونیاسینی دَییشن جونز، فرانک سیناترا و ائللا فیتزگئرالد کیمی دونیاجا مشهور آدلارلا چالیشیب
دونیادا تانینمیش آمریکالی بسته‌کار و موسیقی یاپیمجیسی کوئینسی جونز ۹۱ یاشیندا وفات ائدیب.
جونزون مشاویری آرنولد روبینسون ۲۸ گرمی موکافاتینا صاحیب اولان صنعتچینین دونن گئجه لوس‌آنجلئس‌ده‌کی ائوینده عائله‌سینین یانیندا دونیاسینی دَگیشدیگینی آچیقلاییب.
عائله‌سی جونزون اؤلومونو اعلان ائتدی: "بو گئجه آتامیز و قارداشیمیز کوئینسی جونزون وفات خبرینی اورک آغریسی ایله خبر وئریریک".
"بو، عائله‌میز اوچون اینانیلماز ایتکی اولسا دا، بیز اونون یاشادیغی گؤزل حیاتی قید ائدیریک و بیلیریک کی، اونون کیمیسی اولمایاجاق" دئییلدی.
۹۱ یاشیندا دونیاسینی دَییشن جونز، فرانک سیناترا و ائللا فیتزگئرالد کیمی دونیاجا مشهور آدلارلا چالیشیب و مایکل جکسونون کاریئر یوکسلمه‌سینده بؤیوک رول اویناییب.
جونز، مایکل جکسونون ۱۹۸۳-جو ایلده ۲۰ میلیون نوسخه‌دن چوخ ساتیلان "Thriller" آلبومونون یاپیمجیسی اولوب. جونز ۲ آکادئمی فخری موکافاتی و ۱ ائمی موکافاتینا لایق گؤرولوب.
ایلگیلی‌لی خبرلر
انگلستان‌دا ۱۶۶ میلیون ایل اؤنجه‌یه عاید ۲۰۰ دایناسور آیاق ایزی تاپیلیب
تدقیقاتچیلار بیلدیریبلر کی، بو کشف دایناسورلارین داورانیشی و موحیطی حاقیندا موهوم ایپوجو وئریر
حورکوش-2 ایلک اوچوشونو اوغورلا حیاتا کئچیردی
حورکوش-2 یئرلی تکنولوژی ایله حاضیرلانمیش میللی تعلیم اوچاغی ایلک اوچوشونو موفقیت ایله تاماملادی.
