اینسانلار قوش نووعلرینی یوخ ائتدی

اینسانلارین سون ۱۳۰ مین ایلده قوش نووعلرینین تخمینا یوزده ۷ -سینین ایتکیسینه سبب اولدوغو معین ائدیلمیشدیر.

اینگیلیستان‌نین بیرمینگئم اونیوئرسیته‌سینین بیلیم آداملاری طرفیندن آپاریلان آراشدیرمادا، قوش نووعلرینین نسلی کسیلمه‌سینده اینسان فاکتورونون تأثیری آراشدیریلیب.

سون ۱۳۰ مین ایلده ان آز ۶۰۰ قوش نووعونون (تخمینا یوزده ۷ -سینین) اینسانلار اوزوندن نسلی کسیلدیگینه دایر دلیللر تاپان آراشدیرمادا بیلیم آداملاری قوش نووعلرینین نسلی کسیلمه‌سینین ائکوسیستئم و بیوچئشیدلیلیک اوزرینده مومکون نتیجه‌لرینه دقت چکیب.

آراشدیرما قروپوندان اولان دوکتور تام متیوز، تاپینتیلارین اینسان حرکتلرینین قوشلارین نووع چئشیدلیلیگینین آزالماسینا سبب اولدوغونو اورتایا قویدوغونا دقت چکه‌رک، قارشیداکی ۲۰۰ ایلده داها ۱۰۰۰ قوش نووعونون تامامیله یوخ اولاجاغینی و بونون نتیجه‌لرینی آراشدیرماق لازیمدیر، دئدی.