«کودالی قوارتئت» ایستانبول‌دا کنسرت وئره‌جک
تورک صنعت‌سئورلر اوچون تشکیل اولونان کونسئرت‌ده فرانز جوزف هایدن، زولتان کودالی و فئلیکس مئندئلسون‌ون بسته‌لری یئر آلیب
«کودالی قوارتئت» موسیقی قروپو «ماجار-تورکیه دوستلوغونون ۱۰۰-جو ایل‌دؤنومو» چرچیوه‌سینده ایستانبول‌دا کنسرت وئره‌جک.
قروپون کمان صنعتچیسی آتیلا فلیوی، کونسئرتدن اؤنجه آنادولو آژانسی‌نا وئردیگی آچیقلامادا، ۱۹۶۶-جی ایلده قورولان کودالی قوارتئت-ا ۱۹۸۰-جی ایلده قاتیلدیغینی بیلدیریب.
استرالیالی کلاسیک موسیقی بسته‌کاری فرانز جوزف هایدن‌دان ایلهام آلدیقلارینی بیلدیرن فلیوی، ماجاریستان کولتورونون موسیقی ائلچیلری اولدوقلارینی بیلدیردی.
فلیوی، تورک صنعت‌سئورلر اوچون تشکیل اولونان کونسئرت‌ده فرانز جوزف هایدن، زولتان کودالی و فئلیکس مئندئلسون‌ون بسته‌لرینین یئر آلدیغینی بیلدیریب.
کودالی قوارتئت حاقیندا
۱۹۶۶-جی ایلده بوداپئست‌ده فئرئنج لیسزت آکادئمیسی‌نین اؤیرنجیلری طرفیندن "سئبئستین" آدی ایله یارادیلان کوارتئت، ۱۹۷۲-جی ایلده ماجار بسته‌کاری زولتان کودالی‌نین آدینی گؤتوروب.
کودالی قوارتئت هم اؤلکه‌ده، هم‌ده خاریجده ماجاریستان کولتورونون سفیرلری کیمی تصویر ائدیلمیشدیر.
آتیلا فلیوی، فئرئنج بانقو، زولتان توسکا و گیؤرگی ائدئردن عیبارت قروپ ۲۰۲۲-جی ایلده ماجاریستان حؤکومتی طرفیندن "کوسسوته" موکافاتینا لایق گؤرولوب و خوصوصیله ناخوس و هونگاروتون شیرکتلری اوچون ۷۰-ا یاخین سس یازیسی آپاریب.
