اوکراینادان روسیایا آغیر اینسانسیز هاوا آراجی هوجومو
اوکراینانین، پایتاخت موسکوا دا داخیل اولماقلا روسیا اراضی‌سینه ۱۲۱ اینسانسیز هاوا آراجی(پوا) هوجوم ائتمه‌یه تلاش ائتدیگی بیلدیریلدی.
اوکراینانین، پایتاخت موسکوا دا داخیل اولماقلا روسیا اراضی‌سینه ۱۲۱ اینسانسیز هاوا آراجی(پوا) هوجوم ائتمه‌یه تلاش ائتدیگی بیلدیریلدی.
روسیا ساوونما ناظیرلیگی آچیقلاماسین‌دا بیلدیریب کی، اوکراینا گئجه ساعاتلارین‌دا اینسانسیز هاوا آراجلارلا روسیا اراضی‌سینه هوجوم ائتمه‌یه تلاش ائدیب.
آچیقلامادا ۳۷-نین بریانسک‌دا، ۲۰-نین ریازان‌دا، ۱۷-نین کورسک‌دا، ۱۷-نین ساراتوودا، ۷-نین روستوودا، ۶-نین موسکوادا، ۶-نین ایسه بئلگوروددا اولماقلا ۱۲۱ اینسانسیز هاوا آراجین روسیا هاوا هوجومون‌دان ساوونما سیستئملری طرفین‌دن محو ائدیلدیگی وورغولانیب اونلاردان ۳-او وورونئژ، ۲-سی تولا، ۲-سی اورلوو، ۲-سی لیپئتسک ویلایتی، ۱-ی موسکوا، ۱-ی ایلحاق ائدیلمیش کریمه اوزرین‌ده وورولوب.
ریازان ویلایتی حؤکومتینین مطبوعات خیدمتین‌دن وئریلن آچیقلامادا، وورولان اینسانسیز هاوا آراجینین بؤلوملرینین یئره دوشمه‌سی نتیجه‌سین‌ده فابریک‌ده یانغینین باش وئردیگی، بعضی بینالارا زیان دئیدیی، لاکین خسارت آلانلارین یا دا اؤلوملر اولمادیغی بیلدیریلیب.
روسیا فئدئرال هاوا نقلیاتی آژانسی (روساویات‌سیا) عینی زاماندا کازان، نیژنئکامسک، پئنزا، سامارا و ساراتوو هاوا لیمانلارین‌دا اوچوشلارین تهلوکه‌سیزلیک سببی ایله موقتی دایاندیریلدیغینی بیلدیریب.
بیلدیریلیب کی، اوکراینا طرفین‌دن حیاتا کئچیریلن اینسانسیز هاوا آراجی هوجومو محاربه باشلایان‌دان بری ان آغیر هوجوم اولوب.
روسیا ایله اوکراینا آراسین‌دا محاربه داوام ائتدیگی بیر واخت‌دا روسیا قوه‌لری اوکراینانین کی‌یف ویلایتینین فاستیو و بروواری شهرلرینه هاوا سالدیری‌لاری ائدیب.
هوجوم زامانی سیویل یاشاییش منطقه‌لرینه ده زیان دئییب. بروواری شهرین‌ده‌کی هوجوم‌دان سونرا قروپلار حادثه یئرینه گلیب.
ایلگیلی‌لی خبرلر
اوکراین، روسیه‌نین "آلباش نفت" نفت پالایشگاهینا راکئت هوجومو حیاتا کئچیردی
هوجوم تصدیق ائدیلدی. تاسیس‌ده یانغین باش وئردی. هوجومون نتیجه‌لری آیدینلاشیر.
آمئریکا سوریه‌ده‌کی آمئریکا قوشونلارینی گئری چیخارتماغی پلانلاشدیریر
پئنتاگون رسمیلری ۳۰، ۶۰ و یا ۹۰ گون عرضینده گئری چکیلمه پلانلارینی حاضیرلادیقلارینی آچیقلادیلار
