ترامپ یاتیریمجیلارا سورعتلندیریلمیش ایجازه‌لر وئریر

آمریکانین سئچیلمیش پرئزیدئنتی دونالد ترامپ اؤلکه‌یه ۱ میلیارد دولار و داها چوخ سرمایه قویاجاق شخصلر اوچون ایجازه پروسه‌لرینین سورعتلندیریله‌جگینی آچیقلاییب.

ترامپ اؤزونون «تروت سوشال» سوسیال شبکه‌سین‌ده آمریکایا سرمایه قویاجاق شخصلره وئریله‌جک سرویسلرله باغلی پایلاشیم ائدیب.

ترامپ یازیب: "آمریکایا بیر میلیارد دولار و یا داها چوخ سرمایه قویان ایسته‌نیلن شخص و یا شیرکت اطراف موحیطین محافظه‌سی ایله باغلی بوتون تصدیقلر ده داخیل اولماقلا، تام سورعتلندیریلمیش تصدیق و ایجازه‌لر آلاجاق."

یازی‌سین‌دا علاوه آیرینتیلارا یئر وئرمه‌ین ترامپ سئچکی کامپانیاسی زامانی اؤلکه‌یه سرمایه قویاجاق شخصلر اوچون بوروکراسینی آزالداجاغینی، عینی زاماندا شیرکتلره وئرگی ائندیریملری و تشویقلر ائدجگینی وعد ائدیب.