اینگیلیستان و ولزده پلیسین "گوجدن ایستیفاده‌" نیسبتی آرتیب

اینگیلیستان و ولزده پلیسین "گوجدن ایستیفاده‌" نیسبتی ۲۰۲۳-جو ایلین مارس آییندان ۲۰۲۴-جو ایلین مارس آیینا قدر اولکی دؤورله موقایسه‌ده یوزده ۱۳ آرتیب.
اینگیلیستان داخیلی ایشلر ناظیرلیگینین آچیقلادیغی گزارشه گؤره، ۲۰۲۳-جو ایلین مارس آییندان ۲۰۲۴-جو ایلین مارس آیینا قدر اؤلکه‌ده ۷۴۷ مین ۳۹۶ گوج تطبیقی حادیثه‌سی قیده آلینیب.

گزارشده بو رقمین ۲۰۲۲-جی ایلین مارس-۲۰۲۳-جو ایلین مارس آیلاری ایله موقایسه‌ده یوزده ۱۳ آرتیم گؤستردیگی و «گوج تطبیقی» اولاراق تعیین اولونان حرکتلرین یوزده ۷۷-ینین ال-قولونو قانداللاماق، ال-آیاق توتماق و یئرده‌ یاتیرماق اولدوغو بیلدیریلیب.

گزارشده زور تطبیق ائدیلنلرین یوزده ۷۹ کیشی، یوزده ۴۸ ایسه ۱۸-۳۴ یاش آراسیندا اولدوغو بیلدیریلیب.

ناظیرلیگین آچیقلادیغی رقملرده قارادریلیلرین گوج تطبیقینه معروض قالما نیسبتینین آغ‌دریلیلردن ۳،۲ دفعه چوخ اولدوغو وورغولانیب.

لاکین بو رقمین اولکی دؤورله موقایسه‌ده ۳،۳ دفعه چوخ اولدوغو دا پایلاشیلیب.

گزارشده پلیسین ۵۰۱ مین ۶۲۱ حادیثه‌ده اؤزونو قوروماق اوچون گوج تطبیق ائتدیگی، ۲۸۳ مین‌دن چوخ حادیثه‌ده ایسه زور تطبیق ائدیلن شخصلرین الکل‌لو ایچکینین تأثیری آلتیندا اولدوغو بیلدیریلیب.