لاوروف، فیدان و عراقچی‌نین گؤروشونون سوریه‌ده وضعیتین ثابیتلشمسینه کؤمک ائده‌جه‌یینی بیلدیریب
روسیه‌نین خاریجی ایشلر ناظیری، تورک و ایران‌لی همکارلاری ایله مؤوجود وضعیتی آستانا پروسه‌سینین پرینسیپلری ایشیقیندا یئنیدن نئجه نظردن گئچیره‌جکلرینی موذاکیره ائده‌جکلرینی بیلدیریب
روسیه‌نین خاریجی ایشلر ناظیری سرگئی لاوروف قطرین باشکندی دوحه‌ده خاریجی ایشلر ناظیری هاکان فیدان و ایران‌لی همکاری عباس عراقچی ایله گؤروشون سوریه‌ده وضعیتین ثابیتلشمسینه کؤمک ائده‌جه‌یینی بیلدیریب.
باشکند مسکودا آمریکالی ژورنالیست تاکئر کارلسونا موصاحیبه وئرن سرگئی لاوروف، سوریه‌دکی سون حادیثه‌لری یاخیندان ایزله‌دیکلرینی، تورک و ایران‌لی همکارلاری ایله مؤوجود وضعیتی آستانا پروسه‌سینین پرینسیپلری ایشیقیندا یئنیدن نئجه نظردن گئچیره‌جکلرینی موذاکیره ائده‌جکلرینی بیلدیریب.
سوریه‌دکی وضعیتین کیفایت قدر مورکب اولدوغونو وورغولایان روسیه‌لی ناظیر، "بو، مورکب بیر اویوندور. بیر چوخ اویونجو ایشتیراک ائدیر. اومید ائدیرم کی، بو هفته پلانلاشدیردیغیمیز گؤروش (قطرده) سوریه‌دکی وضعیتین ثابیتلشمسینه کؤمک ائده‌جک" دئدی.
روسیه، تورکیه و ایران‌ین آستانا پروسه‌سی چرچیوه‌سینده مونتظم گؤروشلر گئچیردیکلرینی خاطیرلادان لاوروف، بو ایلین سونو و یا ۲۰۲۵-جی ایلین باشیندا گؤروش پلانلاشدیردیقلارینی آچیقلاییب.
آمریکانین یئنی سئچیلمیش پرئزیدئنتی دونالد ترامپ‌ین اوکراین ساواشینی سونا چاتدیراجاغینا سؤز وئردیگینی خاطیرلادان و بونون هانسی شرطلر آلتیندا مومکون اولاجاغینی سوروشدوقدا، لاوروف، "جون آیینین ۱۴-ده پرئزیدئنت پوتین چیخیشیندا بونا توخوندو. او، ایستانبول‌دا (۲۰۲۲-جی ایلده) قبول ائدیلمیش پرینسیپلر اساسیندا دانیشیقلارا حاضیر اولدوغوموزو بیر داها بَیان ائتدی" جاواب وئردی.
ایلگیلی‌لی خبرلر
روسیایا عائید یوک گمیسی آغدنیزده باتیب
روسیایا عائید یوک گمیسی آغ دنیزی ساحللرین‌ده باتیب و ۲ خدمه ایتیب.
