فرانسه‌ده ۲۰۰ مین دؤولت ایشچیسی کوچه‌لره چیخدی
همکارلار ایتیفاقی طرفیندن چاغیریلان دؤولت ایشچیلری، گلن ایل دؤولت موسیسه‌لرینده قناعت ائتمک پلانینا قارشی، دونن اعتصاب ائدیبلر
فرانسه‌ده ۲۰۰ مین دؤولت ایشچیسی کوچه‌لره چیخدی.
همکارلار ایتیفاقی طرفیندن چاغیریلان دؤولت ایشچیلری گلن ایل دؤولت موسیسه‌لرینده قناعت ائتمک پلانینا قارشی، دونن اعتصاب ائدیبلر.
باشکند پاریس باشدا اولماقلا، اؤلکه داخیلینده کوچه‌لره چیخان دؤولت چالیشانلاری، ایش شرایطینین یاخشیلاشدیریلماسی طلبلرینی بیلدیریبلر.
اعتراضچیلار حؤکومتدن دؤلت ایشچیلرینه حؤرمت ائتمه‌یی طلب ائدیبلر.
اؤلکه‌نین ان بؤیوک همکارلار ایتیفاقی اولان باش همکارلار سندیکاسینین (CGT) باش کاتیبی سوفی بینئت ژورنالیستلره وئردیگی آچیقلامادا اؤلکه‌ده یوز مینلرله، او جومله‌دن دؤولت و اؤزل سئکتوردا ایشدن چیخارمالارین اولاجاغینی بیلدیریب.
بینئت حؤکومتین دئوریلمه‌سی ایله باشلایان سون سیاسی حادیثه‌لرله باغلی «اؤلکه‌میز بیزی ناراحات ائدن سیاسی بؤحران ایچریسینده‌دیر» دئیه‌رک، پرئزیدئنت ائمانوئل مکرون-و همکارلار ایتیفاقی عوضولرینین و ایشچیلرین سسینی ائشیتمه‌یه چاغیریب.
مکرون‌ون خالقین عومومی ماراقلارینی مودافیعه ائده‌رک پرئزیدئنتلیک وظیفه‌سینی یئرینه یئتیرمه‌سینی ایسته‌ین بینئت، فرانسه‌ده بیر حؤکومتین سوسیال طلبلری یئرینه یئتیرمه‌دن یاشایا بیلمه‌یه‌جه‌یینی ایفاده ائتدی.
باش همکارلار سندیکاسینین معلوماتینا گؤره، اؤلکه داخیلینده اعتراضچیلار ۲۰۰ مین‌دن چوخ دؤولت ایشچیسی قاتیلیب.
ایلگیلی‌لی خبرلر
روسیایا عائید یوک گمیسی آغدنیزده باتیب
روسیایا عائید یوک گمیسی آغ دنیزی ساحللرین‌ده باتیب و ۲ خدمه ایتیب.
