اف بی آی: روسیانین آمریکا سئچکیلری ایله باغلی دیس اینفورمیشین یاییما جهدی وار

آمریکا فدرال ایستینطاق اداره‌سی (اف بی آی) و آمریکا سایبری تهلوکه‌سیزلیک و آلت یاپی تهلوکه‌سیزلیگی آژانسی (سی آی اس ای)، روسیانین، آمریکا باشقانلیق سئچکیلری ایله باغلی دیس اینفورمیشین جهدینده اولدوغونو ادعا ائتدی.

اف بی آی و سی آی اس ای‌ین نومایش ائتدیگی اورتاق شرحده، روس آکتورلارین، سئچکیلرده آمریکا‌لی مقاملارین "ساختاکارلیق ائتمک اوزره بیر پلان تشکیل ائتدیگینی" ادعا ائد‌ن بیر مقاله و آریزونا ایالتینده "سئچکی ساختاکارلیغی ائدیلدیگینی" قارشییا قویان آداملا ائدیله‌ن مصاحبه‌نی سهو شکیلده گؤستره‌ن بیر گؤرونتو دیس اینفورمیشین کمپینی داخیلینده نشر ائتدیگی ادعا ائدیلدی.

شرحده، روسیا علاقه‌لی آکتورلارین "سئچکینین مشروعیتینی ضعیفلتمک، سئچیجیلره سئچکی مدتی ایله باغلی قورخو سالماق و آمریکا وطنداشلارینین سیاسی سئچیملری سببی ایله بیر بیرلرینه قارشی شدتدن ایستیفاده ائتدیگینی ادعا ائتمک اوچون گؤرونتولر و ساختا مقاله‌لر اولوشدوردوغو" ادعا ائدیلدی.

روسیانین بو فعالیتلرینین "تحریک ریسکی داشیدیغی" یازیلان شرحده، فعالیتلرین "سئچکی مدتینه اولان اعتباری سارسیتماق" و آمریکا‌لی سئچیجیلر آراسیندا آنلاشیلمازلیق یاراتماق اوچون حاضیرلاندیغی کؤچورولدو.

شرحده، روسیانین سئچکی گونونده بنزر مضمونلار نشر ائتمه‌سی احتیمالینا قارشی خبردارلیق ائدیلدی.

آیریجا شرحده، ایرانین "آمریکا سئچکیلرینه ایستیقامتلی اهمیتلی بیر خاریجی تأثیر تهدیدی" اولماغا داوام ائتدیگی قئید ائدیلدی.

آمریکا‌دا بو گون یئنی دؤولت باشقانینی تعیین ائتمک اوزره سئچکی تشکیل ائدیلیر.