دونالد ترامپ مکزیکایا قارشی سرت چیخیش ائدیب

امریکادا پرزیدنت‌لیگه نامیزد دونالد ترامپ غیری-قانونی کوچی دایاندیرا بیلمه‌دیگی حالدا مکزیکایا 25 فایز گؤمروک وئرگیسی تطبیق ائدجگینی بیلدیریب.

بوگونکو سئچکی‌لر عرفه‌سینده قوزئی کارولینا ایالتینده میتینگینده چیخیش ائدن ترامپ امریکانین ان بؤیوک تیجارت طرفداشلاریندان‌ اولان مکزیکایا تهدیدلر یاغدیریب. او، غیری-قانونی مهاجیرتین قارشی‌سی‌نین آلینماسی‌نین واجیب‌لیگینی وورغولایا‌راق "ائدجییم ایلک چاغیریش‌لاردان بیری مکزیکایا اولا‌جاق. سرحدلریمیزدن اینسان‌لارین کئچمه‌سینه ایجازه وئرمگی دایاندیرین" دئییب.

قونشو اؤلکه حاقیندا سرت ایفاده‌لر ایشله‌دن ترامپ "بیزی مکزیکا ایشغال ائدیر. اؤلکه‌میزه داخیل اولان بو جینایت و اویوشدوروجو آخینینی دایاندیرماسا‌لار امریکایا گؤندردیک‌لری هر شئیه درحال 25 فایز گؤمروک وئرگیسی تطبیق ائده‌جه‌یم" ایفاده‌سینی ایشلدیب.

او، پرزیدنت سئچیله‌جگی تقدیرده گؤمروک وئرگیسی پلانی‌نین یوز فایز تأثیرلی اولاجاغینا ایناندیغینی بیل‌دیره‌رک "بو ایشه یاراماسا، 50 ائده‌جه‌یم، او دا اولمازسا 75. ذیروه ایسه 100 فایز اولا‌جاق" شکلینده دانیشیب. بیر چوخ اقتصادچی بو تهدیدلرله اعلان ائدیلن تاریف‌لرین عکس تأثیر یاراداجاغینی دوشونور.

دونالد ترامپ 2016-جی ایلدکی پرزیدنت‌لیک یاریشیندا امریکا-مکزیکا سرحدینه دیوار اینشا ائتدیرجگینی و بونون خرج‌لرینی مکزیکایا اؤده جگینی وعد ائتمیش و سئچکینی اودوزموشدو.