"ایران بوْمبالارینین یالنیز یۆکسک سسی واردی، هئچ بیر ضرر وئرمه‌دیلر"
ترامپ ژورنالیستلرله صؤحبتینده ایران بوْمبالارینین یالنیز یۆکسک سسی اولدوغونو و هئچ بیر ضرر وئرمه‌دیگینی دئییب.
آمریکا پرئزیدئنت سئچکیلرینده جمهوریت‌چیلر حزب‌یندن نامزد اولان دونالد ترامپ ژورنالیستلرله صؤحبتینده ۲۰۲۰-جی ایلده ایرانین، آمریکانین عراقداکی حربی پایگاهلارینا هۆجومو ایله باغلی "ایران بوْمبالارینین یالنیز یۆکسک سسی واردی، هئچ بیر ضرر وئرمه‌دیلر" دئییب.
«دی هیل» قزئتینین یازدیغی خبره گؤره، بو صؤحبتده خبرنگار، یوخاریدا آدی چکیلن ایران هۆجوملارینین ۱۰۰-دن چوْخ آمریکا عسگرینین بئی‌نینه ضرر وئرمه (تراوما) ایله نتیجه‌لندی‌گینی خاطیرلاداراق، سوال ائدیب: ایران-ا داها یاخشی و داها بتر بیر جواب وئرمک لازیم دئییلدی می؟
ترامپ جواب وئریب: ضرر؟ ضرر دئینده نه‌یی نظرده توتورسونوز؟ باشلارینین آغریماسینا ضرر می دئییرسیز؟ چۆنکی بوْمبالار هئچ بیر هدفه دَیمه‌دی. هئچ کیم خسارت آلمادی. بو بوْمبالارین یالنیز سسی یۆکسک ایدی و اگر اورداکی‌لری سس ناراحات ائله‌میش‌سه بونو قبول ائدیرم.
قید ائدک کی، ۲۰۲۰-جی ایل ژانویه آیی‌نین ۳-ده سپاه پاسداران‌ین «قدس» قۆوه‌لرینین کئچمیش فرماندهی قاسم سلیمانی‌نین آمریکا طرفیندن اؤلدورولمه‌سین‌دن سوْنرا ایران ژانویه‌نین ۸-ده جاواب اوْلاراق عراقداکی آمریکا حربی پایگاه‌لارینی هدفه آلدی.
ایرانین بو هۆجوملاریندان سوْنرا ۱۰۰-دن چوْخ آمریکا عسگرین‌ه تراوماتیک بئیین خسارتی تشخیصی قوْیولدو.
ایلگیلی‌لی خبرلر
آوروپا بیرلیگی و ناتو آلمان‌دا نوئل بازارینا ائدیلن هوجوما رئاکسییا وئریب
آلمان سیاستچی بیلدیریب کی، حادیثه آراشدیریلمالی و گوناهکارلار جزالاندیریلمالیدیر
تورکیه آلمان‌نین ماگدبورگ شهرینده نوئل بازارینا ائدیلن هوجومو قینادی
خاریجی ایشلر ناظیرلی‌یی آلمان‌ین ماگدبورگ شهرینده باش وئرن حوجوملا باغلی یازیلی آچیقلاما یاییب.
