بیرلشمیش میللتلر روس ژورنالیستین آکردیتاسیونونو دوشوردو

بیرلشمیش میللتلر، ۷۹.جو بیرلشمیش میللتلر عمومی قورولو اثناسیندا آلمانیا خاریجی ایشلر ناظیری آنالنا بربوکا سوال وئریلمه‌سی انگللنن و داها سونرا آکردیتاسیون درجه‌سی سالینان روس ژورنالیست والنتین بوگدانووون "یوکسک تهلوکه‌سیزلیک تدبیرلری آلینان بیرلشمیش میللتلر عمومی قورول دؤورونده مطبوعات اریشیم قانونلارینی پوزدوغونو" مدافعه ائتدی.

بیرلشمیش میللتلر آکردیتاسیون واحیدی، بو مؤوضوعا باغلی یازیلی شرح وئردی.

عمومی قورول دؤورونده "مطبوعات اریشیم قانونلارینین" هم باغلی اینترنت صحیفه‌سی، هم ده آکردیتاسیون فورموندا آچیق بیر شکیلده ایفاده ائدیلدیگینه ایشاره ائدیلدی.

آدی گئچه‌ن ژورنالیسته ده "پوزدوغو قانونلار حاقیندا معلومات وئریلدیگی" ایفاده ائدیله‌ن شرحده، بوگدانووون "یوکسک تهلوکه‌سیزلیک تدبیرلری آلینان بیرلشمیش میللتلر عمومی قورول دؤورونده مطبوعات اریشیم قانونلارینی پوزدوغو" مدافعه اولوندو.

روس ژورنالیستین هله مطبوعات آکردیتاسیونونون اولدوغو، بیرلشمیش میللتلر ییغینجاقلاری و فعالیتلرینی ایزله‌مه‌یی داوام ائتدیره بیله‌جگی، ژورنالیستین یالنیز آکردیتاسیون درجه‌سینین سالیندیغی بیلدیریلدی.

بوگدانوو، اؤزونون ۷۹.جو بیرلشمیش میللتلر عمومی قورولونون ایلک گونونده، ژورنالیستلر اوچون محدودلاشدیرما اولمایان بیر ساحه‌ده آلمانیا خاریجی ایشلر ناظیری آنالنا بربوکو گؤردوگونو و عینیله دیگر ژورنالیستلر کیمی اؤزونه یاخینلاشاراق سوال وئرمک ایسته‌دیگینی دیله گتیرمیشدی.

بوگدانوو، آمریکا بیرلشمیش دؤولتلرینین نیویورک شهرینده‌کی آلمانیا دائمی نمایندلیگینده وظیفه آلان دیپلوماتین، "منه توخونما، آکردیتی اولان بیرلشمیش میللتلر خبرچیسییه‌م" دئمه‌سینه باخمایاراق بیر نئچه دفعه اؤزونه توخونوب فیزیکی هوجوم‌ ائدیلدیگینی ایفاده ائتمیشدی.

حادثه‌نین اوزریندن بیر هفته گئچدیکدن سونرا بیرلشمیش میللتلر مطبوعات واحیدینین اؤزونه بیر مکتوب چاتدیردیغینی؛ بورادا "قانونلاری پوزدوقلاری" سببی ایله اؤزو و کامئراچیسنینین مطبوعات آکردیتاسیونونون درجه‌لرینین سالیندیغینین بیلدیریلدیگینی کؤچوره‌ن بوگدانوو، "یالنیز ایشیمی گؤردوگوم اوچون جزالاندیریلدیم" قیمتلندیرمه‌سینی وئرمیشدی.