روسیه: اوکراین گئجه ساعاتلاریندا ۵۴ پیلوتسوز اوچاق ایله تورپاقلاریمیزا هوجوم ائتدی

روسیه مودافیعه ناظیرلیگی بیلدیریب کی، اوکراین گئجه ساعاتلاریندا ۵۴ پیلوتسوز اوچوش آپاراتی ایله روسیه اراضیسینه هوجوم ائدیب.

ناظیرلیکدن هوجوملا باغلی وئریلن آچیقلامادا، "دونن گئجه کی‌یئو رئژیمینین روسیه اراضیسیندکی نسنه‌لره اوچاق تیپلی ایها-لاردان ایستیفاده ائتمکله تئرور آکتی تؤرتمک جهدینین قارشیسی آلینیب" یازیلیب.

آچیقلامادا روسیه هاوا هوجوموندان مودافیعه سیستئملرینین عومومیلیکده ۵۴ ایها-نی ضررسیزلشدیردیگی، کورسک ویلایتینده ۲۷، بریانسک ویلایتینده ۱۶، سمولئنسک ویلایتینده ۷، بئلقورود ویلایتینده ۳ و اورئل بؤلگه‌سینده ۱ ایها-نین وورولدوغو بیلدیریلیب.

او بیری طرفدن، توئر ویلایتی حؤکومتیندن وئریلن آچیقلامایا گؤره، توروپئتس شهرینده قضایا اوغرایان ایها داغینتیلارینین و بونون نتیجه‌سینده باش وئرن یانغینین سؤندورولمه‌سی اوچون ایشلر داوام ائدیر.

توئر ویلایتینین والیسی ایقور رودئنیا ایها-نین روسیه اراضیسینه هوجوملارینین قارشیسی روسیه سیلاحلی قووه‌لرینین مودافیعه سیستئملری طرفیندن آلیندیغینی و ایها-لارین دوشدویو یئرلرده یانغینلارین باش وئردیگینی بیلدیریب. یانغینین باش وئردیگی اراضیده یاشایان اینسانلارین تخلیه ائدیلدیغینی بیلدیرن رودئنیا، سؤندورمه ایشلرینین داوام ائتدیگینی بیلدیریب.

رودئنیا تخلیه ائدیلن شخصلرین گئچیجی سیغیناجاقلارا یئرلشدیریلمه‌سی و یاردیملارین تشکیلی باره‌ده دستور وئریب.