ایسرائیل‌لی خاخام‌دان اعتراف
ایسرائیل اوردوسون‌دا احتیاط‌دا اولان حرب‌چی کیمی ۴۷۰ گون‌دن چوخ خیدمت ائتمیش خاخام آوراهام زربیب غزه زولاغین‌دا تؤرتدیگی حربی جینایتلرله اؤیونوب.
ایسرائیل اوردوسون‌دا احتیاط‌دا اولان حرب‌چی کیمی ۴۷۰ گون‌دن چوخ خیدمت ائتمیش خاخام آوراهام زربیب غزه زولاغین‌دا تؤرتدیگی حربی جینایتلرله اؤیونوب.
ایسرائیل تلویزیون کانالینا دانیشان خاخام زربیب اوردودا اولدوغو مدت‌ده غزه‌ده هفته‌ده اورتا حسابلا ۵۰ ائوی ییخدیغینی و بونلارین چوخمرتبه‌لی بینالار اولدوغونو، حتی ایکی مرتبه‌لی ائوین بئله اینسانلاری قانع ائتمدیگینی بیلدیریب.
زربیب آتشکس راضیلاشماسینین قوه‌یه مینمه‌سین‌دن سونرا غزه ساکینلرینین گئری دؤنه‌جک ائولرینین اولمادیغینی بیلدیریب.
ایسرائیل خاخام دئییب: "رفح‌ده اونلارین اوز توتاجاقلاری یئر یوخ‌دور. جیبالیا دئییلن یئر یوخ‌دور، هامیسی یوخا چیخیب". "بیز بیت لاهیا و بیت خانون اوچون فورصتی الدن وئردیک، بونون یالنیز یاری‌سی محو ائدیلدی. راضیلاشما دئمک اولار کی، اورادا اولدوغوموز زامان گلدی"
زربیب بولدوزرله «گؤستردیگینی» سؤیله یه‌رک، چوخمرتبه‌لی بینالارین سؤکولمه‌سی «تصویری مومکون اولمایان حیس‌دیر.» قئید ائدیب.
راوی خاخام زربیب غزه‌ده باش وئر‌نلری سؤزله ایفاده ائده بیلمدیگینی دئییب: «مینلرله جسد وار کی، اونلاری هئچ کیم توپلامادیغی اوچون ایتلر و پیشیکلر یئییب.
زربیب حماس ایله ایسرائیل آراسین‌دا آتشکس و اسیر موبادیله‌سی راضیلاشماسی ایمضالانارکن کئچیردیگی حیسلری بئله ایضاح ائدیب:
"بیر آز اوغور قازان‌دیلار، سونونو بینمدیک دئیه بیلیری. عسگرلر اوچون بیر آز شوک اولدو، هامی گئری قاییتمادی. بو، بیزیم اورییمیزده اولان بیر شئی‌دیر. سونونون بئله اولاجاغینی گؤزله‌میردیک و اومید ائدیره‌م کی، اولاجاق. اونلارین نئجه چیخدیغینی گؤردون، هله چوخ ایشیمیز وار."
