ایران اوردوسونون حربی طیاره‌سی همدان ویلایتینده قضایا اوغراییب

ایران اوردوسونون عمومی ارتباطات مرکزی آچیقلاییب کی، بیر عدد حربی طیاره بو چرشنبه سحری (بهمن آیینین ۳-او) همدان ویلایتینده تعلیم وظیفه‌سینی یئرینه یئتیررکن قضایا اوغراییب.

همدان والی‌سی سیاسی تهلوکه‌سیزلیک اوزره موعاوینی حمزه امرایی مئدیا ایله صؤحبتینده بو طیاره‌نین کبودرآهنگ شهرینین "شیرین سو" بؤلگه‌سی یوکسکلی‌یینده قضایا اوغراماسینین دقیق یئرینی تقدیم ائتدی و هر ایکی پیلوتون یونگول خسارتلرله خیلاص ائدیلدییینی و طیب مرکزلرینه گؤتورولدویونو سؤیله‌دی.

ایران رسمیلری و مئدیاسی قید اولونان طیاره‌نین نوع و قضانین سببی ایله باغلی هله‌لیک تفررواتلی معلومات وئرمه‌ییب.