نتانیاهو ناظیرلری دینله‌مه‌یه مجبور ائتدی

ایسرائیلین کئچمیش ایچ کشفیات خیدمتی شین-بئت (شاباک) دیرئکتورو یورام کوئن، باش ناظیر بنیامین نتانیاهونون وظیفه‌ده اولارکن اونا ناظیرلرین و تهلوکه‌سیزلیک مقاملارینین تئلئفون دانیشیقلارینی دینلمگی تاپشیردیغینی آچیقلادی.

ایسرائیلین اجتماعی یاییمی اولان کان رادیوسونا دانیشان یورام کوئن، تهلوکه‌سیزلیک توپلانتی‌سین‌دان سونرا «حساس بیر مسئله‌نی» سیزماسین‌دان «ناراحات اولدوغونو» ادعا ائد‌ن نئتانیاهونون اونا توپلانتی‌دا ایشتیراک ائد‌ن ناظیرلرین و تهلوکه‌سیزلیک ایشچیلرینین تئلئفونلارینی دینلمگی تاپشیردیغینی سؤیله‌دی.

ایسرائیلین باش ناظیرلیین‌دن وئریلن آچیقلامادا کوئن «باشقا بیر اویدورما حادثه یاراتماغا چالیشماق»دا اتهام ائدیلسه ده، اونون ادعالاری تامامیله رد ائدیلمه‌ییب.

آچیقلامادا‌دا باش ناظیر نتانیاهونون "حیاتی اهمیت‌لی دؤولت سیررینی" قوروماغا چالیشدیغی و قانونا اویغون حرکت ائتدیگی ادعا ائدیلیب.