سوریه‌ده سلاحلی قروپلار حماه شهر مرکزینه گیرمه‌یه باشلادی
اسد رژیمی گوجلری ایله ۲۷ نوامبردان بو یانا چاتیشان هیئت تحریر شام‌ین باشینی چکدیگی رژیم قارشیدی قروپلار، حماه ائلی ایستیقامتینده ایرلیله‌ییر
سوریه‌ده بشار اسد رژیمی موخالیفی سلاحلی قروپلار، حماه شهر مرکزینین خاریجی محله‌لرینه گیرمه‌یه باشلادی.
اسد رژیمی گوجلری ایله ۲۷ نوامبردان بو یانا چاتیشان هیئت تحریر شام‌ین باشینی چکدیگی رژیم قارشیدی قروپلار، حماه ائلی ایستیقامتینده ایرلیله‌ییر.
رژیم قارشیدی سلاحلی قروپلار، شهر مرکزینین شرقینده‌کی مضارب، صنایع و اربعین محله‌لرینه گیرمه‌یه باشلادی.
شدتلی چاتیشمالار داوام ائدرکه‌ن، روس ساواش طیاره‌لری سوریه رژیمی گوجلرینه دستک وئریر.
سوریه‌نین شیمالینداکی حلب ائلینین غرب چؤلونده، ۲۷ نوامبردا، اسد رژیمی گوجلری ایله رژیم قارشیدی سلاحلی قروپلار آراسیندا چاتیشما باشلامیشدی.
۲۸ نوامبردا حلب‌ین مرکزینه دوغرو سرعتله ایر‌لیله‌یه‌ن رژیم قارشیدی سلاحلی قروپلار، ۳۰ نوامبردا مرکزین بؤیوک حیصه‌سینی اله کئچرمیشدی.
۳۰ نوامبردا خان شیخون بؤلگه‌سینی آلاراق بوتون ادلب داخیلینده حاکمیت تامین ائد‌ن سلاحلی قروپلار، حماه ائلینده ده چاتیشاراق ایرلیله‌ییشینی داوام ائتدیریر.
سوریه میللی اوردوسونون حلب چؤلونده ۱ دسامبردا بؤلوجو ترور تشکیلاتی پ‌کاکا/ی‌پ‌گ‌یه قارشی باشلاتدیغی آزادلیق شفقی عملیاتیندا ایسه تل رفعت ائلچه مرکزی تروردان قورتاریلدی.
